• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

گندم کی امدادی قیمت پر دیگر صوبے سندھ کی پیروی کریں، مصطفیٰ نواز کھوکھر

تازہ ترین
قومی خبریں
04 نومبر ، 2020
گندم کی امدادی قیمت پر دیگر صوبے سندھ کی پیروی کریں،مصطفیٰ نواز کھوکھر

پاکستان پیپلز پارٹی کے چیئرمین بلاول بھٹو زرداری کے ترجمان سینیٹر مصطفیٰ نواز کھوکھر نے کہا ہے کہ گندم کی امدادی قیمت کے معاملے پر پنجاب اور خیبرپختونخوا بھی سندھ کی پیروی کریں۔

لاہور میں کسانوں کے پرُامن احتجاج پر تشدد پر ردعمل دیتے ہوئے مصطفیٰ نواز کھوکھر نے کہا کہ حکومت نے جابرانہ اقدام اٹھایا۔

انہوں نے کہا کہ پہلے زراعت تباہ کی اب کسانوں سے احتجاج کا حق بھی چھین لیا گیا۔

پی پی رہنما نے مزید کہا کہ تحریک انصاف حکومت نے پرُامن احتجاج کا راستہ بند کر دیا ہے۔

یہ بھی پڑھیے


ان کا کہنا تھا کہ حکومت کی پالیسیوں نے پاکستان کو گندم امپورٹ کرنے والا ملک بنا دیا۔

مصطفیٰ نواز کھوکھر نے یہ بھی کہا کہ حکومت کی ناقص پالیسیوں کا خمیازہ پوری قوم بھگت رہی ہے۔

انہوں نے کہا کہ پنجاب، خیبرپختونخواہ بھی سندھ کی طرح گندم کی امدادی قیمت 2 ہزار مقرر کریں۔

پی پی چیئرمین کے ترجمان نے کہا کہ وفاقی حکومت کا امدادی قیمت 2 ہزار مقرر نہ کرنا کسان اور زراعت دشمنی ہے۔

تازہ ترین