آپ آف لائن ہیں
منگل5؍جمادی الثانی 1442ھ 19؍جنوری 2021ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

چوہدری شجاعت حسین کا سروسز اسپتال میں طبی معائنہ


مسلم لیگ (ق) کے سربراہ چوہدری شجاعت حسین کا لاہور کے سروسز اسپتال میں طبی معائنہ جاری ہے۔

اسپتال ذرائع کے مطابق چوہدری شجاعت حسین کے سینے کے ایکسرے لیے گئے اور ای سی جی بھی کی گئی۔

سروسز اسپتال ذرائع کا کہنا ہے کہ چوہدری شجاعت کا کورونا وائرس ٹیسٹ بھی کروایا جائے کیونکہ وہ نمونیا کے ساتھ آئے ہیں اس لیے ان کا کورونا ٹیسٹ ضروری ہے۔

اسپتال ذرائع نے مزید کہا کہ ایس او پیز کے تحت اسپتال آنے والے مریض کا کورونا وائرس ٹیسٹ کروایا جائے گا۔

خاندانی ذرائع کا کہنا ہے کہ چوہدری شجاعت حسین کو تین روز سے سانس لینے میں دشواری کا سامنا تھا، سانس لینے میں دشواری بڑھنے پر اُنہیں اسپتال لایا گیا۔

اسپیکر پنجاب اسمبلی چوہدری پرویز الٰہی نے بھی اسپتال جاکر چوہدری شجاعت حسین کی عیادت کی۔

دوسری جانب وزیراعلیٰ پنجاب عثمان بزدار نے سروسز اسپتال میں جیونیوز سے گفتگو کرتے ہوئے کہا کہ اُنہوں نے چوہدری شجاعت حسین کی خیریت دریافت کی ہے، وہ خیریت سے ہیں۔

عثمان بزدار نے مسلم لیگ (ق) کے سربراہ کی صحتیابی کے لیے دُعا کرتے ہوئے کہا کہ اللّہ تعالی چوہدری شجاعت حسین کو جلد صحت یاب کرے۔

واضح رہے کہ چوہدری شجاعت حسین کا کچھ عرصہ پہلے کیا جانے والے کورونا وائرس ٹیسٹ کے نتائج منفی آئے تھے۔

قومی خبریں سے مزید