آپ آف لائن ہیں
ہفتہ9؍جمادی الثانی 1442ھ 23؍جنوری 2021ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

نواز شریف باہمت ہیں تو تقاریر پاکستان آکر کریں، حلیم عادل شیخ

پاکستان تحریک انصاف سندھ کے مرکزی رہنما حلیم عادل شیخ نے کہا ہے کہ نواز شریف باہمت ہیں تو ویڈیو لنک کی تقاریر پاکستان آکر کریں۔

مسلم لیگ (ق) کے سربراہ چوہدری شجاعت حسین کی سروسز اسپتال میں عیادت کے بعد میڈیا سے گفتگو میں حلیم عادل شیخ نے کہا کہ نواز شریف کو وطن واپس آنا چاہیے۔

انہوں نے کہا کہ سابق وزیراعظم نواز شریف علاج کرانے کے لیے لندن گئے تھے اور وہیں بیٹھ گئے ہیں۔


حلیم عادل شیخ نےاستفسار کیا کہ نواز شریف کی صاحبزادی مریم نواز کس منہ سے جلسے جلوس کررہی ہیں؟

ان کا کہنا تھا کہ نواز شریف میں ہمت ہے تو وہ ویڈیو لنک والی تقاریر پاکستان میں آکر کریں، جس دن وہ ملک واپس آکر جلسے کریں گے تو انہیں لیڈر مانیں گے۔

قومی خبریں سے مزید