• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

بھارتی فوج کی LoC پر فائرنگ، 1 شہری شہید، 3 زخمی


بھارتی فوج کی جانب سے لائن آف کنٹرول (ایل او سی) پر فائرنگ کر کے معصوم شہریوں کی زندگی لینے کا سلسلے تاحال نہیں رکا ہے۔

پاک فوج کے شعبۂ تعلقاتِ عامہ (آئی ایس پی آر) کے مطابق آج بھی بھارتی فوج کی جانب سے ایل او سی پر بلا اشتعال فائرنگ کی گئی ہے جس کے نتیجے میں 1 شہری شہید ہو گیا۔

آئی ایس پی آر کا کہنا ہے کہ بھارتی فائرنگ کے نتیجے میں 3 افراد زخمی بھی ہوئے ہیں جن میں 2 خواتین شامل ہیں۔

آئی ایس پی آر نے بتایا ہے کہ بھارتی فوج نے رکھ چکری اور خنجار سیکٹر میں شہری آبادی کو نشانہ بنایا ہے۔


آئی ایس پی آر کا مزید کہنا ہے کہ بھاتی فوج نے تری بند اور سماہنی گاؤں کی آبادی کو راکٹ اور مارٹر گولوں سے نشانہ بنایا۔

آئی ایس پی آر نے یہ بھی بتایا ہے کہ پاک فوج نے بھرپور جوابی کارروائی کر کے فائرنگ کرنے والی بھارتی چوکیوں کو نشانہ بنایا ہے۔

قومی خبریں سے مزید