آپ آف لائن ہیں
ہفتہ9؍جمادی الثانی 1442ھ 23؍جنوری 2021ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

اپوزیشن اتحاد نے نواز شریف کا بیانیہ مسترد کردیا، پرویز خٹک کا دعویٰ

وزیر دفاع پرویز خٹک نے دعویٰ کیا ہے کہ اپوزیشن اتحاد پاکستان ڈیموکریٹک موومنٹ (پی ڈی ایم) میں شامل جماعتوں نے سابق وزیراعظم نواز شریف کا بیانیہ مسترد کردیا ہے۔

نوشہرہ کے علاقے حکیم آباد لیبرہال میں مزدوروں سے خطاب میں پرویز خٹک نے کہا کہ پی ڈی ایم کا بیانیہ پوری قوم پر واضح ہوچکا ہے۔

انہوں نے مزید کہا کہ پی ڈی ایم میں شامل جماعتوں نے نواز شریف کا بیانیہ خود ہی مسترد کردیا ہے۔


وفاقی وزیر نے مریم نواز کے اداروں سے مشروط مذاکرات والے بیان کی طرف اشارہ کرتے ہوئے کہا کہ نواز شریف اور ان کی صاحبزادی کے بیانیے میں اختلاف پیدا ہوچکا ہے۔

ان کا کہنا تھا کہ وزیراعظم عمران خان کرپشن پر اپوزیشن جماعتوں سے کوئی سمجھوتہ نہیں کریں گے۔

پرویز خٹک نے یہ بھی کہا کہ پی ڈی ایم جتنے مرضی چاہے جلسے اور جلوس کرلے، پی ٹی آئی حکومت دباؤ میں نہیں آئے گی۔

قومی خبریں سے مزید