عظمیٰ بخاری کا پنجاب حکومت میں جلد ہی بڑی تبدیلی آنے کا دعویٰ

اپوزیشن کی سب سےبڑی جماعت مسلم لیگ (ن) کی سیکریٹری اطلاعات پنجاب عظمیٰ بخاری نے کہا ہے کہ کابینہ اجلاس میں آج 2 وزراء نے کھل کر عثمان بزدار پر عدم اعتماد کا اظہار کیا ہے۔

پنجاب کابینہ اجلاس میں عثمان بزدار اور وزراء کی تلخ کلامی پر ردعمل دیتے ہوئے عظمیٰ بخاری نے کہا کہ مراد راس اور انصر مجید نے وزیراعلیٰ پنجاب کی کارکردگی پر سوالات اٹھائے ہیں۔

ن لیگ پنجاب کی ترجمان نے دعویٰ کیا کہ آئندہ چند دنوں میں پنجاب میں بڑی تبدیلی آنے جارہی ہے۔

انہوں نے یہ دعویٰ بھی کیا کہ پی ٹی آئی کے 20 ارکان اسمبلی وزیراعلیٰ پنجاب عثمان بزدار کے خلاف متحرک ہوچکے ہیں۔

عظمیٰ بخاری نے مزید دعوے سے کہا کہ بہت جلد پنجاب میں 3 حکومتی وزرا کی سربراہی میں فارورڈ بلاک بننے جارہا ہے۔

ان کا کہنا تھا کہ تبدیلی کے موجب جلد ہی عثمان بزدار کے خلاف علم بغاوت بلند کرنے کا اعلان کریں گے۔

انہوں نے کہا کہ پہلے پنجاب کے وزرا نجی محفلوں میں عثمان بزدار کےخلاف سازشیں کرتے تھے۔

عظمیٰ بخاری نے انکشاف کیا کہ پنجاب کابینہ کے چند باشعو وزراء عثمان بزدار کی کرپشن سے آشنا ہوچکے ہیں۔

ان کا کہنا تھا کہ ہم تو پہلے دن سے کہہ رہے ہیں عثمان بزدار ڈمی وزیراعلیٰ ہیں۔