آپ آف لائن ہیں
منگل5؍جمادی الثانی 1442ھ 19؍جنوری 2021ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

چارسدہ: سرکٹ ہاؤس پر حملہ ناکام، 1 دہشت گرد ہلاک

خیبر پختون خوا کے ضلع چارسدہ میں پولیس نے سرکٹ ہاؤس پر دہشت گردوں کا حملہ ناکام بنا دیا۔

چارسدہ کی پولیس نے بروقت جوابی کارروائی کرتے ہوئے ایک دہشت گرد کو ہلاک کر دیا۔

ڈی پی او چارسدہ شعیب خان نے بتایا ہے کہ دہشت گردی کی اطلاع تھی، جس کی وجہ سے پولیس الرٹ تھی۔

ڈی پی او کے مطابق موٹر سائیکل سوار 1 دہشت گرد نے سرکٹ ہاؤس کو نشانہ بنایا۔

انہوں نے بتایا کہ دہشت گردی کی پیشگی اطلاع کے باعث پولیس نے بر وقت کارروائی کرتے ہوئے دہشت گرد کو جوابی فائرنگ کر کے ہلاک کر دیا۔


ڈی پی او چارسدہ شعیب خان کا مزید کہنا ہے کہ فائرنگ میں سیکیورٹی اہلکاروں کا کوئی جانی نقصان نہیں ہوا۔

پولیس نے علاقے کوگھیرے میں لے کرسرچ آپریشن شروع کر دیا ہے۔

قومی خبریں سے مزید