فرمان الہی
نماز کے اوقات
مسلم لیگ نون کے صدر اور قومی اسمبلی میں قائدِ حزبِ اختلاف میاں شہباز شریف کی اہلیہ تہمینہ درانی کہتی ہیں کہ والدہ کی وفات کی یہ مشکل گھڑی اُن کے خادم اعلیٰ شہباز شریف کے لیے دل دہلا دینے والی ہے۔
مائیکرو بلاگنگ سائٹ ٹوئٹر پر تمہینہ درانی اپنے شوہر شہباز شریف کی ایک تصویر شیئر کی جس میں وہ غمزدہ حال میں دِکھائی دے رہے ہیں۔
تمہینہ درانی نے ٹوئٹر پر تصویر شیئر کرتے ہوئے لکھا کہ ’میرے خادم اعلیٰ کے لیے یہ وقت بہت مشکل ہے کیونکہ اُنہیں نے نہیں معلوم تھا کہ آخری بار جب وہ اپنی والدہ سے ملے تھے تو وہ اُن کی الوداعی ملاقات تھی۔‘
شہباز شریف کی اہلیہ نے لکھا کہ ’اب وہ اپنی والدہ کا جسد خاک وصول کریں گے اور ان کی تدفین کے لیے کندھا دیں گے۔‘
آخر میں اُنہوں نے حمزہ شہباز کی جلد پیرول پر رہائی کے لیے بھی دُعا کی۔
واضح رہے کہ نواز شریف و شہباز شریف کی والدہ بیگم شمیم اختر گزشتہ روز لندن میں انتقال کرگئیں جس کی اطلاع مسلم لیگ نون کے رہنما عطاء تارڑ نے سماجی رابطے کی ویب سائٹ ٹوئٹر پر جاری کردہ اپنے بیان کے ذریعے دی۔
مسلم لیگ نون کے رہنما عطاء تارڑ نے اپنے بیان میں بتایا کہ میاں نواز شریف اور میاں شہباز شریف کی والدہ محترمہ وفات پاگئی ہیں۔
ذرائع کے مطابق نواز شریف کی والدہ کی طبیعت گزشتہ ایک ماہ سے ہی خراب تھی لیکن گزشتہ چند روز سے ان کی طبیعت بہت زیادہ خراب تھی۔
مرحومہ شمیم اختر کے بڑے صاحبزادے نواز شریف اپنے علاج کے لیے اس وقت لندن میں مقیم ہیں جبکہ اُن کے چھوٹے صاحبزادے شہباز شریف لاہور کی جیل میں ہیں۔
ان کی میت پاکستان لائی جائے گی جبکہ تدفین جاتی امراء میں اپنے شوہر میاں شریف کے پہلو میں مختص جگہ پر ہوگی، انتقال کے بعد مسلم لیگ (ن) نے اپنی سیاسی سرگرمیاں معطل کردیں۔
مرحومہ بیگم شمیم اختر کے جنازے میں شرکت کے لیے شہباز شریف اور ان کے بیٹے حمزہ شہباز کو پیرول پر رہا کیا جائے گا۔
