فرمان الہی
نماز کے اوقات
وزیراعلیٰ سندھ سید مراد علی شاہ نے کورونا وائرس کی صورتحال پر بیان میں کہا ہے کہ گزشتہ 24 گھنٹوں کے دوران 10837نمونوں کی جانچ کی گئی۔ جس کے نتیجے میں مزید 1322 نئے کیسز سامنے آئے۔
وزیراعلیٰ نے کہا کہ گزشتہ 24 گھنٹوں کے دوران کورونا سے 16مریض انتقال کرگئے۔ اس طرح اب تک کورونا وائرس سے انتقال کرنے والوں کی مجموعی تعداد 2845 ہوگئی ہے۔
انھوں نے کہا کہ اب تک 1906075 نمونوں کی جانچ کی جا چکی ہے۔ اور اب تک164651 کیسز سامنے آ چکے ہیں۔ جبکہ گزشتہ 24 گھنٹوں کے دوران مزید 358 مریض صحت ہو چکے ہیں۔
وزیراعلیٰ نے کہا کہ اب تک 146366مریض صحت یاب ہوچکے ہیں۔ اس وقت 15440 مریض زیر علاج ہیں۔ جن میں سے 14818 گھروں میں، 12 آئسولیشن سینٹرز میں اور 610 مریض مختلف اسپتالوں میں زیر علاج ہیں۔
انہوں نے کہا کہ 545 مریضوں کی حالت تشویشناک بتائی گئی ہے اور 67 مریض وینٹی لیٹرز پر ہیں۔
وزیراعلیٰ نے کہا کہ 1322 نئے کیسز میں سے 1065 کا تعلق کراچی سے ہے۔ ضلع جنوبی 416، ضلع شرقی 355، ضلع وسطی110، ضلع غربی سے 66، کورنگی61 اور ملیر سے 57 نئے کیسز رپورٹ ہوئے ہیں۔
انھوں نے کہا کہ صوبے کے دیگر اضلاع حیدرآباد 83، جامشورو 37، سجاول19، مٹیاری 18، شہید بینظیرآباد اور نوشہرو فیروز میں 15- 15، میرپورخاص 13، عمرکوٹ 9، گھوٹکی 9، سکھر 6، لاڑکانہ 5، ٹھٹھہ 4، ٹنڈو محمد خان اور بدین میں 2 - 2 کیسز، جبکہ دادو، جیکب آباد، سانگھڑ، شکارپور اور تھرپارکر میں1 - 1 کیس سامنے آیا ہے۔
