کراچی: ایئرلائنز کو ٹرمینل بلڈنگ سے باہر کاؤنٹر بنانے کی ہدایت

23 نومبر ، 2020

کورونا وائرس: نئے حکمنامے پر سی اے اے اور ائیرلائنز میں ٹھن گئی

کورونا وائرس سے متعلق نئےحکم نامے پر سول ایوی ایشن اتھارٹی (سی اے اے) اور تمام ایئرلائنز آمنے سامنے آگئیں۔

ذرائع کے مطابق ملک میں کورونا وائرس کے کیسز میں تیزی سے اضافے کے پیش سی اے اے نے کراچی میں تمام ایئرلائنز کو ٹرمینل بلڈنگ سے باہر کاؤنٹر بنانے کی ہدایت کردی۔

سی اے اے کے حکم نامے میں کہا گیا ہے کہ مسافروں کے کورونا وائرس کے ٹیسٹ کی رپورٹ ٹرمینل بلڈنگ سے باہر ہی چیک کی جائیں۔

حکم نامے میں کہا گیا ہے کہ صرف کورونا وائرس کی رپورٹ منفی آنے والے مسافروں کو ہی روانگی لانچ میں بھیجا جائے۔

یہ بھی پڑھیے

ذرائع کے مطابق سی اے اے کی جانب سے اس نوعیت کا حکم نامہ سامنے آنے پر تمام ہی ائیرلائنز نے اس کی مخالفت کردی۔

ائیر لائنز نے سی اے اے کے حکم نامے کے جواب میں موقف اختیار کیا کہ مسافروں کو چیک کرنا ہمارا نہیں محکمہ صحت کا کام ہے۔

ائیرلائنز نے مزید کہا کہ ہماری ذمے داری بریفنگ کاؤنٹر سے شروع ہوتی ہے۔

ائیرلائنز نے یہ بھی کہا کہ محکمہ صحت کے کاؤنٹرز ڈپارچر لاؤنچ سے باہر ہونے چاہئیں۔

تازہ ترین