• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

یوسف رضا گیلانی کے بیٹے اور دیگر کی ضمانت منظور

تازہ ترین
قومی خبریں
26 نومبر ، 2020
یوسف رضا گیلانی کے بیٹے اور دیگر کی ضمانت منظور

ملتان کے اسپیشل مجسٹریٹ نے سابق وزیرِ اعظم اور پاکستان پیپلز پارٹی کے رہنما یوسٹ رضا گیلانی کے صاحبزادے اور سابق ایم این اے موسیٰ گیلانی سمیت پی ڈی ایم کے رہنماؤں کی ضمانت منظور کر لی۔

ضمانت کے سلسلے میں موسیٰ گیلانی اور پی ڈی ایم کے رہنماؤں کو اسپیشل مجسٹریٹ کی عدالت میں پیش کیا گیا تھا۔

واضح رہے کہ ملتان کے تھانہ چہلیک کی حدود میں گزشتہ روز ریلی نکالنے پر رہنماؤں کو گرفتار کیا گیا تھا۔

علی موسیٰ گیلانی کوملتان پولیس نے گرفتارکرلیا

پولیس کا کہنا ہے کہ باہر کارکنوں کے رش کےباعث علی موسی گیلانی تھانے میں ہیں، انہیں گرفتار نہیں کیا۔

تھانہ چہلیک میں درج مقدمے میں 25 نامزد جبکہ 50 نامعلوم افراد شامل ہیں، مقدمے میں بغیر اجازت ریلی نکالنے اور کارِ سرکار میں مداخلت کی دفعات شامل ہیں۔

پولیس کے مطابق مقدمے میں یوسف رضا گیلانی کے چاروں بیٹوں کے نام بھی شامل ہیں۔

محسنِ جنوبی پنجاب کے بیٹوں پر مقدمے کیئے گئے، موسیٰ گیلانی

سابق ایم این اے موسیٰ گیلانی نے عدالت کے باہر میڈیا سے گفتگو کرتے ہوئے کہا کہ محسنِ جنوبی پنجاب یوسف رضا گیلانی کے بیٹوں پر مقدمات درج کیئے گئے۔

یہ بھی پڑھیے


انہوں نے مزید کہا کہ ہم حقوق کی جنگ لڑتے رہیں گے، گرفتاریاں ہمارے حوصلے بلند کرنے کے لیے ہیں۔

موسیٰ گیلانی کا یہ بھی کہنا ہے کہ لوگوں کے پاس 2 وقت کی روٹی نہیں، نوجوان بے روزگار ہیں۔

تازہ ترین