ماہرہ خان کو کہاں کی یاد ستانے لگی؟

عالمی شہرت یافتہ اداکارہ ماہرہ خان نے اسکردو کے پہاڑوں کو یاد کرتے ہوئے سوشل میڈیا پر جذباتی پیغام جاری کیا ہے۔

سماجی رابطے کی ویب سائٹ انسٹاگرام پر ماہرہ خان نے اپنے حالیہ دورۂ اسکردو کی کچھ یادگار تصویریں شیئر کی ہیں جن میں اداکارہ کے ہمراہ اُن کی دوستوں کو بھی دیکھا جاسکتا ہے جبکہ وہ اسکردو کے پہاڑی علاقے سے بے حد لطف اندوز ہوتی بھی نظر آرہی ہیں۔

ماہرہ خان نے انسٹاگرام پر تصویریں شیئر کرتے ہوئے کیپشن میں لکھا کہ ’میں اسکردو کے خوبصورت پہاڑوں کو بہت یاد کر رہی ہوں اور مجھے وہاں کا وہ احساس یاد آ رہا ہے کہ جب میں ہر لمحہ اُس جگہ رہنے کے لیے شکر گزار ہوتی تھی۔‘

اداکارہ نے کہا کہ ’میں واقعی الفاظ میں بیان نہیں کرسکتی ہوں کہ میں کس قدر اُس خوبصورت جگہ کی کمی کو محسوس کر رہی ہوں۔‘

ماہرہ خان اسکردو میں کیا کررہی ہیں؟

پاکستان کی صف اول اداکارہ کی نئی دلکش تصویروں پر چند ہی منٹ میں 50 ہزار کے قریب لائکس آگئے۔

اُن کا مزید کہنا تھا کہ ’وہ جگہ اس قدر پُرسکون اور حسین ہے کہ میں دوبارہ وہاں جانے کا انتظار نہیں کرسکتی ہوں۔‘

اداکارہ کی مقبولیت کی بات کریں تو اُنہوں نے چند منٹ پہلے ہی یہ تصویریں انسٹاگرام پر پوسٹ کی ہیں جن پر اب تک 44 ہزار سے زائد لائکس آچکے ہیں۔