پاکستان: کورونا وائرس سے 1 دن میں 67 اموات

پاکستان میں کورونا وائرس کی دوسری لہر جاری ہے، یہاں کورونا وائرس کے کیسز اور اس سے اموات میں کمی کے بعد اب ان میں تیزی سے اضافہ ہو رہا ہے۔

کورونا مریضوں کی تعداد کے حوالے سے مرتب کی گئی فہرست میں پاکستان 28 ویں نمبر پر ہے۔

نیشنل کمانڈ اینڈ آپریشن سینٹر (این سی او سی) کا کہنا ہے کہ گزشتہ روز ملک بھر میں کورونا وائرس کے 40 ہزار 969 ٹیسٹ کیئے گئے،اس طرح کورونا وائرس کے ٹیسٹ مثبت آنے کی شرح 9 اعشاریہ 5 فیصدرہی، جبکہ اب تک کُل 55 لاکھ 49 ہزار 779 ٹیسٹ کیئے جا چکے ہیں۔

راولپنڈی: 12 علاقوں میں اسمارٹ لاک ڈاؤن نافذ

ڈپٹی کمشنر راولپنڈی کیپٹن (ر) انوارلحق کے مطابق اسمارٹ لاک ڈاؤن والے علاقوں میں پبلک ٹرانسپورٹ مکمل طور پر بند رہے گی۔

گزشتہ 24 گھنٹوں کے دوران کورونا وائرس کے مزید 2 ہزار 458 کیسز سامنے آئے ہیں، مزید 67 افراد اس موذی وباء کے سامنے زندگی کی بازی ہار گئے جبکہ 1 ہزار 863 مریض اس بیماری سے شفایاب ہو گئے۔

پاکستان میں کورونا وائرس کے کیسز کی تعداد 4 لاکھ 482 ہو چکی ہے، جبکہ اس موذی وباء سے جاں بحق افراد کی کُل تعداد 8 ہزار 91 تک جا پہنچی ہے۔

کورونا وائرس کے ملک بھر میں 49 ہزار 105 مریض اسپتالوں، قرنطینہ مراکز اور گھروں میں آئسولیشن میں ہیں، جن میں سے 2 ہزار 165 کی حالت تشویش ناک ہے جبکہ 3 لاکھ 43 ہزار 286 مریض اس بیماری سے صحت یاب ہو چکے ہیں۔

سندھ میں کورونا وائرس کے مریضوں کی تعداد دوسرے صوبوں سے زیادہ 1 لاکھ 74 ہزار 350 ہو چکی ہے، جبکہ یہاں اس موذی وائرس سے اموات 2 ہزار 935 ہو گئیں۔

پنجاب میں کورونا وائرس کے اب تک 1 لاکھ 19 ہزار 578 مریض سامنے آئے ہیں جبکہ اس سے ہلاکتیں دیگر صوبوں سے بڑھ کر 3 ہزار 36 ہو گئیں۔

خیبر پختون خوا میں کورونا وائرس کے مریضوں کی تعداد 47 ہزار 370 ہو چکی ہے جبکہ اس سے اموات 1 ہزار 369 ہو گئیں۔

سندھ میں کورونا وائرس کے 1336 نئے کیسز، 11 کا انتقال ہوگیا، وزیر اعلیٰ

وزیراعلیٰ سندھ سید مراد علی شاہ نے کورونا وائرس کی صورتحال پر بیان میں کہا ہے کہ گزشتہ 24 گھنٹوں میں کورونا کے مزید 13169 نمونے ٹیسٹ کئے گئے، جس کے نتیجے میں 1336 نئے کیسز سامنے آئے ہیں۔

وفاقی دارالحکومت اسلام آباد میں 30 ہزار 406 کورونا وائرس سے متاثرہ مریض اب تک سامنے آئے ہیں جبکہ 318 افراد اس وباء سے جان کی بازی ہار چکے ہیں۔

کورونا وائرس کے بلوچستان میں 17 ہزار 187 مریض اب تک رپورٹ ہوئے ہیں جہاں 167 افراد اس مرض سے انتقال کر چکے ہیں۔

آزاد جموں و کشمیر میں کورونا وائرس کے اب تک 6 ہزار 933 مریض رپورٹ ہوئے ہیں جبکہ اس وائرس سے 169 مریض وفات پا چکے ہیں۔

گِلگت بلتستان میں 4 ہزار 658 کورونا وائرس کے مریض سامنے آئے ہیں جبکہ اس سے 97 افراد جاں بحق ہوئے ہیں۔