رواں سیزن ساڑھے 3 لاکھ ٹن کینو کی برآمد کا ہدف

02 دسمبر ، 2020

آل پاکستان فروٹ اینڈ ویجیٹیبل ایکسپورٹرز ایسوسی ایشن کی جانب سے کینو سیزن کے اہداف کے حوالے سے کہا گیا ہے کہ رواں سیزن ساڑھے 3 لاکھ ٹن کینو برآمد کریں گے۔

آل پاکستان فروٹ اینڈ ویجیٹیبل ایکسپورٹرز ایسوسی ایشن (پی ایف وی اے) کے پیٹرن انچیف وحید احمد نے کہا ہے کہ کینو کی برآمد سے 21 کروڑ ڈالر کمانے کا ہدف ہے۔

انہوں نے بتایا کہ کینو کی ایکسپورٹ یکم دسمبر سے شروع ہو چکی ہے، رواں سیزن کینو کی پیداوار 21 لاکھ ٹن رہنے کی توقع ہے۔

وحید احمد کا مزید کہنا ہے کہ کینو کی مجموعی پیداوار کا 75 فیصد بی اور سی گریڈ ہے، کینو کے باغ 60 سال پرانے ہوچکے ہیں، جو موسمی تبدیلیوں اور بیماریوں کا مقابلہ نہیں کر سکتے۔

یہ بھی پڑھیے

پیٹرن انچیف آل پاکستان فروٹ اینڈ ویجیٹیبل ایکسپورٹرز ایسوسی ایشن نے یہ بھی کہا کہ 125 ارب روپے کی کینو کی صنعت خطرات کا شکار ہے، نئی ورائٹیاں کاشت کرنا ہوں گی۔

تازہ ترین