آپ آف لائن ہیں
ہفتہ2؍جمادی الثانی 1442ھ 16؍جنوری 2021ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

وزیراعظم عمران خان کو برطانوی شہزادہ چارلس کا ٹیلیفون


پرنس آف ویلز برطانوی  شہزادہ چارلس نے وزیراعظم عمران خان سے ٹیلی فون پر رابطہ کیا ہے، دونوں رہنماؤں نے پاک برطانیہ قریبی اور منفرد تعلقات کے عزم کا اظہار کیا۔

اعلامیے کے مطابق شہزادہ چارلس نے پاکستان میں کورونا سے ہونےوالی ہلاکتوں پر اظہار افسوس کیا، برطانیہ کورونا وبا کے دوران پاکستان کو ضروری امداد فراہم کررہا ہے۔

عمران خان اور شہزادہ چارلس کا عالمی چیلنجز سے نمٹنے میں عالمی تعاون کی ضرورت پر اتفاق کیا گیا، بالخصوص موسمیاتی تبدیلی اور ماحول کے تحفظ کی عالمی تعاون کی ضرورت پر بھی اتفاق کیا گیا۔


اعلامیہ میں کہا گیا کہ برطانیہ موسمیاتی تبدیلی پر عالمی کانفرنس سی او پی 26 کی میزبانی کررہا ہے، شہزادہ چارلس نے موسمیاتی تبدیلی کے خطرے سے نمٹنے میں پاکستان کے عزم کا خیرمقدم کیا۔

شہزادہ چارلس نے پاکستان میں قابل تجدید توانائی کے استعمال کے لیے برطانوی تعاون کا اعادہ بھی کیا۔

قومی خبریں سے مزید