کورونا وائرس کی دوسری لہر کو عوام سنجیدہ نہیں لے رہے، صدر پیما

صدر پاکستان اسلامک میڈیکل ایسوسی ایشن پروفیسر ڈاکٹر محمد طیب کا کہنا ہے کہ کورونا وائرس کی دوسری لہر کو عوام سنجیدہ نہیں لے رہے ہیں۔

پاکستان اسلامک میڈیکل ایسوسی ایشن کے صدر پروفیسر ڈاکٹر محمد طیب نے پریس کانفرنس کرتے ہوئے کہا کہ کورونا وائرس کی دوسری لہر شدت اختیار کر رہی ہے۔

ڈاکٹر محمد طیب نے کہا کہ کورونا ایس او پیز کا بروقت خیال نہیں رکھا تو صورت حال بگڑ سکتی ہے، مارکیٹس اور بازاروں کے اوقات کار میں کمی کی جائے۔

پاکستان:کورونا وائرس کیسز 4 لاکھ 10ہزار ہو گئے

پاکستان میں کورونا وائرس کے کیسز کی تعداد 4 لاکھ 10 ہزار 72 ہو چکی ہے، جبکہ اس موذی وباء سے جاں بحق افراد کی کُل تعداد 8 ہزار 260 تک جا پہنچی ہے۔

سابق جج ارشد ملک کا کورونا وائرس سے انتقال

سابق وزیرِ اعظم اور مسلم لیگ نون کے قائد میاں نواز شریف کو سزا سنانے والے احتساب عدالت کے سابق جج ارشد ملک کورونا وائرس کے باعث انتقال کر گئے۔

انہوں نے کہا کہ جلسے، جلوس، اجتماعات اور دیگر سرگرمیوں پر بھی پابندی لگائی جائے، پاکستان میں کورونا وائرس سے 10 ہزار طبی عملہ متاثر ہوا ہے۔

صدر پیما ڈاکٹر محمد طیب نے کہا کہ طبی عملے کو حفاظتی سامان مہیا کیا جائے، ہمیں فرنٹ لائن ورکرز تو کہا جاتا ہے مگر حکومت نے ہمارے لیے کچھ نہیں کیا۔

انہوں نے مزید کہا کہ ابھی تک رسک الاونس اور شہداء پیکج کسی بھی طبی عملے کو نہیں ملا ہے۔