آپ آف لائن ہیں
ہفتہ2؍جمادی الثانی 1442ھ 16؍جنوری 2021ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

بھارت میں کسانوں کا احتجاج 10ویں روز بھی جاری

بھارتی حکومت اور کسانوں کے درمیان مذاکرات ناکام ہونے کے بعد بھارت میں کسانوں کا احتجاج 10ویں روز بھی جاری ہے۔

بھارتی میڈیا رپورٹس کے مطابق زرعی اصلاحاتی قوانین پر کسانوں اور حکومت کے درمیان بات آج ہوگی۔ صدر کسان تحریک کا اس حوالے سے کہنا ہے کہ کسان ہر روز حکومت سے بات نہیں کرسکتے، آج حتمی بات ہوگی۔

کسان تحریک کے صدر نے کہا کہ آج مذاکرات ناکام ہوئے تو نیشنل ہائی وے 8 سے جنتر منتر تک مارچ کریں گے۔ تین نئے زرعی قوانین منسوخ نہیں ہوئے تو 8 دسمبر کو ملک گیر ہڑتال ہوگی۔

بھارتی میڈیا رپورٹس کے مطابق بہار میں راشٹریہ جنتا دل نے آج سے کسانوں کےحق میں دھرنے اور مظاہرے کا اعلان کردیا ہے۔

بھارتی ریاست ہریانہ، پنجاب، اترپردیش اور متعدد ریاستوں میں کسانوں کا احتجاج جاری ہے۔

امیت شاہ اور راج ناتھ سنگھ کسانوں کے معاملے پر آج مودی سے ملاقات کریں گے۔ 

بین الاقوامی خبریں سے مزید