فرمان الہی
نماز کے اوقات
پشاور میں جاری انڈر 16 نیشنل جونیئر ہاکی چیمپئن شپ میں پنجاب سی اور خیبرپختونخوا اے نے سیمی فائنل کے لئے کوالیفائی کرلیا ہے۔
انڈر 16 نیشنل جونیئر ہاکی چیمپئن شپ پشاور کے اسپورٹس کمپلیکس میں جاری ہے، پوائنٹس ٹیبل پر خیبرپختونخوا اے اور پنجاب سی اپنے اپنے پول میں سرفہرست ہیں۔
پنجاب سی نے بلوچستان کو 0-9 سے شکست دی جبکہ خیبر پختونخوا اے نے پنجاب بی کو 3 کے مقابلے میں 4 گول سے ہرا کر سیمی فائنل کیلئے کوالیفائی کیا ہے۔
لیگ میچز میں پنجاب اے نے خیبر پختونخوا بی کو 3 گول سے شکست دی جبکہ سندھ اے نے بلوچستان بی کو 8 گول سے ہرایا۔
منتظمین کے مطابق اس قسم کے ایونٹ کے انعقاد سے صوبے میں نیا ٹیلنٹ سامنے لانے میں مدد ملے گی۔
قومی انڈر 16 جونیئر ہاکی چیمپئن شپ میں ملک بھر سے 12 ٹیمیں شریک ہوئیں، ایونٹ کا فائنل 10 دسمبر کو کھیلا جائے گا۔
