ٹک ٹاک کا ویڈیو دورانیہ 3 منٹ بڑھانے پر غور

چین کی مختصر ویڈیو شیئرنگ ایپ ٹک ٹاک کے خالقین ویڈیو کا دورانیہ تین گنا بڑھا کر اسے تین منٹ کرنے پر غور کررہے ہیں۔ اس وقت ٹک ٹک پر 60 سیکنڈ یعنی ایک منٹ سے زائد کی ویڈیو اپ لوڈ نہیں کی جاسکتی۔

غیر ملکی میڈیا رپورٹس میں کہا جارہا ہے کہ ویڈیو کا دورنیہ بڑھانے پر غور ویڈیو سے رقم کمانے یعنی مونیٹائزیشن کی جانب ایک قدم بھی ہوسکتا ہے۔

اس سے قبل فیس بک نے ویڈیو کا دورانیہ بڑھایا اور اسے مونیٹائزیشن کا اہل بنایا تھا۔

کہا جارہا ہے کہ ٹک ٹاک کے بعض یوزر کو پہلے ہی اس آپشن کی رسائی دی جاچکی ہے۔

امریکا کو ’ٹک ٹاک‘ سے کیا خطرہ ہے؟

امریکا میں اتوار سے چینی ویڈیو شیئرنگ ایپ ’ٹک ٹاک‘ اور مسیجنگ ایپ ’وی چیٹ‘ ڈاؤن لوڈ کرنے پر پابندی عائد کی جا رہی ہے۔

سوشل میڈیا ماہرین کا کہنا ہے کہ ٹِک ٹاک ویڈیو میں وقت کی قلت سے لوگ اپنی تخلیقی صلاحیتوں سے بہتر اور مؤثر بناتے ہیں اور دورانیہ بڑھانے سے اس کا یہ پہلو کمزور ہوجائے گا۔