• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

نواز شریف کی استعفے فضل الرحمٰن کے پاس جمع کرانے کی تجویز

تازہ ترین
قومی خبریں
08 دسمبر ، 2020


سابق وزیراعظم نواز شریف نے اپوزیشن اتحاد کے سربراہ مولانا فضل الرحمٰن کے پاس استعفیٰ جمع کرانےکی تجویز دے دی۔

اسلام آباد میں اپوزیشن اتحاد پاکستان ڈیموکریٹک موومنٹ (پی ڈی ایم) کا اجلاس جاری ہے، جس میں نواز شریف اور سابق صدر آصف زرداری ویڈیو لنک کے ذریعے شریک ہیں۔

اپوزیشن کی اہم ترین میٹنگ میں کورونا وائرس سے صحتیابی کے بعد چیئرمین پاکستان پیپلز پارٹی بلاول بھٹو زرداری، ن لیگی نائب صدر مریم نواز، شاہد خاقان عباسی سمیت دیگر رہنما شریک ہیں۔

یہ بھی پڑھیے


اجلاس میں نوازشریف نے لاہور جلسے سے قبل اپوزیشن جماعتوں کے ارکان پارلیمان کے استعفے مولانا فضل الرحمٰن کے پاس جمع کرانے کی تجویز پیش کی۔

اس موقع پر تمام ہی اپوزیشن جماعتوں نے نوازشریف کی تجویز کی حمایت کی۔

دوسری طرف لاہور اور سرگودھا سے مسلم لیگ (ن) کے 5 ارکان قومی اسمبلی نے ایڈوانس میں استعفے پارتی قیادت کو بھجوادیے ہیں۔

اس معاملے پر سابق وزیراعظم کی صاحبزادی مریم نواز کہہ چکی ہیں کہ عمران خان کی حکومت کے پاؤں اکھڑ چکے ہیں، لاہور میں جلسہ بھی ہوگا اور حکومت گھر بھی جائے گی۔

تازہ ترین