چیچہ وطنی: تلخ کلامی پر مخالفین کے ہاتھوں 3 سگے بھائی قتل

پنجاب کے ضلع ساہیوال کی تحصیل چیچہ وطنی میں تلخ کلامی کے بعد مخالفین کی فائرنگ سے 3 سگے بھائی جاں بحق ہو گئے۔

منڈی بہاءالدین میں معمولی تلخ کلامی پر فائرنگ، 12 افراد زخمی

پولیس کے مطابق منڈی بہاءالدین کے علاقے چک نمبر 20 میں رکشہ ڈرائیور کے راستہ نہ دینے پر معمولی تلخ کلامی کے بعد مسلح افراد نے اندھا دھند فائرنگ کر دی۔ فائرنگ کی زد میں آکر 12 افراد زخمی ہو گئے ۔ جنہیں اسپتال منتقل کردیا گیا۔

پولیس کے مطابق چیچہ وطنی کے گاؤں 13 گیارہ ایل میں ملزم عثمان کی 3 بھائیوں سے تلخ کلامی ہوئی۔

ملزم نے ساتھیوں کے ساتھ مل کر فائرنگ کر کے تینوں بھائیوں کو قتل کر دیا جس کےبعد ملزمان فرار ہو رہے تھے کہ پولیس نے ایک ملزم کو گرفتار کر لیا ہے۔

چیچہ وطنی پولیس کے مطابق واقعے کے 2 ملزمان فرار ہونے میں کامیاب ہو گئے ہیں جن کی تلاش جاری ہے۔