مریم اورنگزیب کو جلسے میں کرسیاں گننے کا کام سونپا گیا ہے، شہباز گِل

وزیراعظم عمران خان کے معاون خصوصی سیاسی ابلاغ شہباز گِل کہتے ہیں کہ مریم اورنگزیب کو جلسے میں کرسیاں گننے کا کام سونپا گیا ہے تبھی وہ ہر بات میں کرسیوں کا ذکر لے آتی ہیں۔

شہباز گِل نے ترجمان مسلم لیگ نون مریم اورنگزیب کے بیان پر ردعمل دیتے ہوئے کہا کہ 13دسمبر کا جلسہ ان کے بیانیے کے تابوت میں آخری کیل ثابت ہوگا۔

 اُنہوں نے یہ بھی کہا کہ ذاتی مقاصد کے لیے تصادم کی راہ پر چلنے والوں کو شکست ہوگی۔

13 دسمبر کا اثر نظر آنا شروع ہوگیا ہے، مریم اورنگزیب

ترجمان مسلم لیگ ن مریم اورنگزیب کا کہنا ہے کہ کل 13 دسمبر ہے جس کا اثر نظر آنا شروع ہوگیا ہے۔

واضح رہے کہ مریم اورنگزیب نے اپنے بیان میں کہا تھا کہ  عمران خان کی اطلاع کے لیے عرض ہے کرسیاں لگنے لگی ہیں۔

پی ڈی ایم کو جلسے کی اجازت نہ دینے کا فیصلہ کیا ہے، فردوس عاشق اعوان

وزیراعلیٰ پنجاب عثمان بزدار کی معاون خصوصی ڈاکٹرفردوس عاشق اعوان نے کہا ہے کہ پی ڈی ایم کو لاہور میں جلسے کی اجازت نہ دینے کا فیصلہ کیا ہے، یہ فیصلہ انٹیلی جنس رپورٹس اور این سی اوسی کی ہدایات کی روشنی میں کیا گیا ہے۔

مریم اورنگزیب نے کہا تھا کہ عمران خان نےکہا تھا کہ کرسیاں لگانے پر منتظمین کے خلاف پرچہ کاٹیں گے لیکن انہوں نے تو ایف آئی آر ڈی جے بٹ اور بٹ کڑاہی والے کے خلاف کاٹ دی۔