فیصل جاوید کا مفتاح اسماعیل پر این آر او مانگنے کا الزام

پاکستان تحریک انصاف کے سینیٹر فیصل جاوید نے ن لیگی رہنما مفتاح اسماعیل پر حکومت سے این آر او مانگنے کا الزام عائد کردیا۔

پروگرام نیا پاکستان میں فیصل جاوید نے الزام لگایا کہ مفتاح اسماعیل کے بھائی نے مرحوم نعیم الحق سے مفتاح اسماعیل کے کیسز پر این آر او مانگا تھا۔

فیصل جاوید کے الزام پر مفتاح اسماعیل غصے میں آگئے۔ ثبوت پیش کرنے کا چیلنج دے دیا۔

پی ڈی ایم بیک ٹو بیک فلاپ جلسے کر رہی ہے، فیصل جاوید

فیصل جاوید نے کہا کہ پاکستان مسلم لیگ ن ، انا للہ و انا الیہ راجعون، جبکہ پی ڈی ایم بھی آخری سانسیں لے رہی ہے، کوئی مستقبل نہیں ہے ان کا۔

واضح رہے کہ اس سے قبل پاکستان تحریک انصاف کے رہنما سینیٹر فیصل جاوید نے ایک ویڈیو بیان میں کہا تھا کہ ایک اور فلاپ شو آپ نے دیکھا، پی ڈی ایم فلاپ جلسے کر رہی ہے۔ آپ کے باقی جلسے بھی فلاپ ہوئے، آج کا جلسہ بھی فلاپ ہوا ہے۔