عون چودھری وزیراعلیٰ پنجاب کے خصوصی کوآرڈینیٹر برائے سیاسی امور مقرر

پاکستان تحریک انصاف (پی ٹی آئی) کے رہنما عون چودھری کو وزیراعلیٰ پنجاب کا سیاسی امور کا خصوصی کوآرڈینیٹر مقرر کردیا گیا ہے۔

عون چودھری کی تقرری کا نوٹیفکیشن بھی جاری کردیا گیا۔

واضح رہے کہ پنجاب کابینہ میں توسیع کافیصلہ کیا گیا ہے، کابینہ میں دو مزید نئے وزیر شامل کیے جائیں گے، یاور بخاری اور خیال کاسترو کو پنجاب میں صوبائی وزیر بنایا جائے گا۔

ذرائع کا کہنا ہے کہ دونوں وزراء کل گورنر ہاؤس پنجاب میں حلف اٹھائیں گے۔

ذرائع کا کہنا ہے کہ پنجاب کابینہ میں شامل کیے جانے والےدونوں وزراء کے قلمدان کا ابھی فیصلہ نہیں ہوا۔

 اس حوالے سے وزیراعلیٰ پنجاب نے وزیراعظم عمران خان کو اعتماد میں لے لیا۔