• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

کورونا وائرس، سندھ کے مدارس میں تعلیمی سرگرمیاں بند کرنے کا نوٹیفکیشن

تازہ ترین
قومی خبریں
17 دسمبر ، 2020
کورونا وائرس، سندھ کے مدارس میں تعلیمی سرگرمیاں بند کرنے کا نوٹیفکیشن

سندھ حکومت نے صوبے بھر میں کورونا وائرس کے کیسز میں اضافے کے سبب مدارس میں تعلیمی سلسلے کو بند کرنے کے احکامات جاری کردیے۔

حکومت سندھ نے صوبے کے مدارس میں تعلیمی سرگرمیاں بند کرنے کا نوٹیفکیشن جاری کردیا، سیکریٹری محکمہ اوقاف،تمام کمشنر اور ڈپٹی کمشنرز کو نوٹیفکیشن پرعمل درآمد کرانے کی ہدایت کی گئی ہے۔

سندھ: قرنطینہ میں سب سے زیادہ اور کم مریض کہاں موجود؟

صوبے سندھ میں سے زیادہ 5763 افراد کراچی کے ضلع جنوبی اور سب سے کم 63 افراد سندھ کے ضلع شکارپور میں کورونا وائرس کے باعث قرنطینہ میں موجود ہیں۔

نوٹیفکیشن کے مطابق یہ اقدام سندھ وبائی امراض ایکٹ 2014 ء کے تحت کیاگیا ہے، اس سے قبل اسکولوں کو بھی بند کیا جاچکا ہے۔

واضح رہے کہ پاکستان میں کورونا وائرس کے کیسز کی کُل تعداد 4 لاکھ 48 ہزار 522 ہو چکی ہے، اس موذی وباء سے جاں بحق افراد کی کُل تعداد 9 ہزار 80 تک جا پہنچی ہے، جبکہ 3 لاکھ 96 ہزار 591 کورونا مریضٗ شفایاب ہو چکے ہیں۔

پاکستان: کورونا وائرس سے مزید 71 اموات

ملک بھر میں گزشتہ 24 گھنٹوں کے دوران کورونا وائرس کے مزید 2 ہزار 545 کیسز سامنے آئے ہیں، مزید 71 افراد اس موذی وباء کے سامنے زندگی کی بازی ہار گئے، جبکہ 7 ہزار 993 مریض صحت یاب ہو گئے۔

این سی او سی کی جانب سے جاری اعداد و شمار کے مطابق سندھ میں کورونا وائرس کے مریضوں کی تعداد 1 لاکھ 99 ہزار 706 ہوگئی ہے، گزشتہ روز مزید 15 کورونا مریض انتقال کر گئے جس کے بعد صوبے میں کُل اموات کی تعداد 3 ہزار 237ہو گئی۔

تازہ ترین