فرمان الہی
نماز کے اوقات
پاکستان نیوی کا نیا جہاز پی این ایس تبوک کراچی پہنچ کر بحری بیڑے میں شامل ہوگیا۔
ترجمان پاک بحریہ کے مطابق پی این ایس تبوک کی پاک نیوی کے بیڑے میں شمولیت کی تقریب پاکستان نیوی ڈاکیارڈ کراچی میں منعقد ہوئی۔
ترجمان پاک نیوی کا کہنا تھا کہ نیول چیف ایڈمرل محمد امجد خان نیازی تقریب کے مہمان خصوصی تھے۔
ترجمان کے مطابق پی این ایس تبوک کی تعمیر ڈامین شپ یارڈ رومانیہ میں کی گئی۔
اس موقع پر نیول چیف ایڈمرل محمد امجد خان نیازی کا کہنا تھا کہ جہاز کی شمولیت سے ملکی بحری قوت مضبوط ہوگی، اور بحری مفادات اور حدود کا دفاع مزید بہتر ہوگا۔
ترجمان نیوی کے مطابق پی این ایس تبوک اسٹیٹ آف دی آرٹ ویپن اور ڈیفنس سسٹم سے لیس ہے۔
پی این ایس تبوک متعدد نیول آپریشنز انجام دینے، ہیلی کاپٹر اور ڈرون لے جانے کی صلاحیت رکھتا ہے۔
اس سلسلے کا پہلا بحری جہاز پی این ایس یرموک رواں برس جولائی میں پاک بحریہ کے بیڑے میں شامل کیا گیا تھا۔
