فرمان الہی
نماز کے اوقات
نیشنل بینک آف پاکستان (این بی پی) کے میڈیا ہیڈ سید ابن حسن کورونا وائرس کے باعث انتقال کرگئے۔
سیدابن حسن کی نمازجنازہ امام بارگاہ باب العلم نارتھ ناظم آباد میں اداکی گئی جس کے بعد ان کی تدفین وادی حسن قبرستان میں کردی گئی۔
سید ابن حسن کراچی کے ایک نجی اسپتال میں زیر علاج تھے، انہوں نے سوگواران میں چار بیٹے اور بیوہ کو چھوڑا ہے۔
واضح رہے کہ عالمی وباء کورونا وائرس کے ملک بھر میں گزشتہ 24 گھنٹوں کے دوران مزید 2 ہزار 972 کیسز سامنے آئے ہیں، جبکہ مزید 84 افراد اس موذی وباء کے سامنے زندگی کی بازی ہار گئے۔
پاکستان میں کورونا وائرس کے کیسز کی کُل تعداد 4 لاکھ 51 ہزار 494 ہو چکی ہے، جبکہ اس موذی وباء سے جاں بحق افراد کی کُل تعداد 9 ہزار 164 تک جا پہنچی ہے۔
کورونا وائرس کے ملک بھر میں کُل 42 ہزار 478 مریض اسپتالوں، قرنطینہ مراکز اور گھروں میں آئسولیشن میں ہیں۔
