آپ آف لائن ہیں
اتوار15؍ رجب المرجب 1442ھ 28؍ فروری2021ء
  • بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

کراچی: مبینہ مقابلہ، 1 ڈاکو ہلاک، 1 فرار، 3 گرفتار

کراچی میں نمائش چورنگی کےقریب مبینہ پولیس مقابلہ ہوا ہے جس کے دوران پولیس سے فائرنگ کے تبادلے میں 1 ملزم ہلاک، جبکہ 3 زخمی ہو گئے۔

پولیس کے مطابق ملزمان ایک گھرمیں ڈکیتی کی نیت سےداخل ہوئے، جنہوں نے اہلِ خانہ کو رسیوں سے باندھ دیا۔

دوسری جانب 15 پر اطلاع ملنے پر پولیس موقع پر پہنچی تو اس کا ملزمان سے فائرنگ کا تبادلہ ہوا، فائرنگ کے تبادلے میں 4 ملزمان زخمی ہو گئے، 1 زخمی ملزم سول اسپتال میں دورانِ علاج دم توڑ گیا۔

ایس پی جمشید ٹاؤن فاروق بجارانی کے مطابق 5 ڈاکو پاسٹر جارج نامی شخص کے گھر میں ڈکیتی کے لیے آئے تھے، جن میں سے 1 ڈاکو مقابلے میں مارا گیا۔

انہوں نے بتایا کہ 3 ڈاکو زخمی حالت میں گرفتار کر لیے گئے جبکہ 1ڈاکو فرار ہونے میں کامیاب ہو گیا ہے، زخمی ڈاکوؤں میں سے 1 کی حالت تشویش ناک ہے۔


ایس پی جمشید ٹاؤن کا کہنا ہے کہ پاسٹر جارج کے بیٹے نے 15 پر ڈکیتی کی اطلاع دی تھی، پولیس موقع پر پہنچی تو ڈاکوؤں کے ساتھ فائرنگ کا تبادلہ ہوا۔

انہوں نے یہ بھی بتایا کہ ہلاک اور زخمی ڈاکوؤں کی شناخت کا عمل جاری ہے، جبکہ فرار ہونے والے ڈاکو کی تلاش بھی کی جا رہی ہے۔

قومی خبریں سے مزید