مریم نواز ہی حکومت کا بوریا بستر گول کریں گی، عظمیٰ بخاری

مسلم لیگ (ن) پنجاب کی ترجمان عظمی بخاری کا کہنا ہے کہ فردوس عاشق اعوان کو مریم فوبیا ہوگیا ہے۔ مریم نواز ہی بکسے چور حکومت کا بوریا بستر گول کریں گی۔

وزیراعلیٰ پنجاب کی معاون خصوصی برائے اطلاعات فردوس عاشق اعوان کے بیان پر ردِعمل دیتے ہوئے لیگی ترجمان پنجاب کا کہنا تھا کہ پیراشوٹر ترجمانوں کے مفت کے لنگر جلد بند ہونے والے ہیں وقت آنے پر ایک ایک پیراشوٹر کا سر درد اور پیٹ میں اٹھنے والے مروڑ کا علاج کریں گے۔

مسلم لیگ (ن) پنجاب کی ترجمان عظمی بخاری کا مریم نواز ڈبہ پارٹی کے سلیکٹڈ وزیراعظم کے اعصاب پر سوار ہیں۔

انھوں نے کہا کہ خیراتی مشیروں اور کرایے کے ترجمانوں کا ٹولہ اپنی تنخواہیں حلال کر رہا ہے۔

ان کا کہنا تھا کہ فردوس عاشق کو مریم نواز فوبیا ہوگیا ہے، ہمارے پاس اس فوبیا کا بھی علاج موجود ہے۔

عظمیٰ بخاری کا یہ بھی کہنا تھا کہ نائب صدر مسلم لیگ (ن) مریم نواز ہی بکسے چور حکومت کا بوریا بستر گول کریں گی۔