فرمان الہی
نماز کے اوقات
سابق وزیراعظم شہید محترمہ بےنظیر بھٹو کی چھوٹی صاحبزادی آصفہ بھٹو نے بلاول بھٹو اور مریم نواز کے ہمراہ اپنی والدہ کی قبر پر پھول چڑھاتے تصویر سوشل میڈیا پر شیئر کردی۔
آصفہ بھٹو زرداری نے فوٹو اینڈ ویڈیو شیئرنگ ایپ انسٹاگرام پر اپنی حالیہ تصویر شیئر کی ہے جس میں اُن کے ہمراہ پاکستان پیپلز پارٹی کے چیئرمین بلاول بھٹو زرداری اور مسلم لیگ نون کی نائب صدر مریم نواز کو بھی دیکھا جاسکتا ہے۔
مذکورہ تصویر میں دیکھا جاسکتا ہے کہ آصفہ بھٹو، بلاول بھٹو اور مریم نواز شہید محترمہ بےنظیر بھٹو کی قبر پر پھول چڑھا رہی ہیں۔
آصفہ بھٹو نے اس تصویر کو ایک جذباتی کیپشن دیتے ہوئے لکھا:
وطن کو بھائی بھی دیا، وطن کو باپ بھی دیا
بقائے ملک کیلئے پھر اپنا آپ بھی دیا
آصفہ بھٹو نے پوسٹ کے کیپشن میں ہیش ٹیگ ’سلام بےنظیر‘ کا بھی استعمال کیا۔
اس سے قبل آصفہ بھٹو نے انسٹاگرام پر گڑھی خدا بخش کے مقام کی تصویر شیئر کی تھی۔
صفہ بھٹو نے اس خوبصورت تصویر کو ایک معنی خیز کیپشن دیتے معروف شاعر فیض احمد فیض کا مقبول ترین شعر لکھا تھا:
جس دھج سے کوئی مقتل میں گیا، وہ شان سلامت رہتی ہے
یہ جان تو آنی جانی ہے، اس جاں کی تو کوئی بات نہیں
واضح رہے کہ محترمہ بےنظیر بھٹو 27 دسمبر 2007 میں راولپنڈی کے لیاقت باغ میں قاتلانہ حملے میں شہید ہو گئیں تھی۔
