بختاور بھٹو نے والدہ کی یادگار تصویر شیئر کردی

سابق وزیرِاعظم شہید محترمہ بے نظیر بھٹو اور سابق صدر آصف زرداری کی بڑی صاحبزادی بختاور بھٹو نے سوشل میڈیا پر والدہ کی یادگار تصویر شیئر کر دی۔

شہید محترمہ بے نظیر بھٹو کی 13ویں برسی کے موقع پر انُہیں خراجِ عقیدت پیش کرنے کے لیے اُن کی بڑی صاحبزادی بختاور بھٹو زرداری نے سوشل میڈیا کا رُخ کیا ہے۔

بختاور بھٹو زرداری نے اپنے تصدیق شدہ ٹوئٹر اکاؤنٹ پر اپنی والدہ کے خوبصورت خاکے کی تصویر شیئر کی ہے۔

ٹوئٹر پر شیئر کردہ شہید محترمہ بےنظیر بھٹو کا خاکہ ایک فوٹو فریم میں نصب کر کے دیوار پر لگایا ہوا ہے۔

بختاور بھٹو نے اپنی والدہ سے محبت کا اظہار کرنے کے لیے کیپشن میں دل اور پھول والا ایموجی بنایا ہے۔

محترمہ بینظیر بھٹو کی برسی: ٹوئٹر پر ٹاپ ٹرینڈ

دو مرتبہ پاکستان کی وزیراعظم رہنے والی اور مسلم دنیا کی پہلی سربراہ حکومت بے نظیر بھٹو کی 13ویں برسی ٹوئٹر پر ٹاپ ٹرینڈ بن گئی۔

اُن کے اس خوبصورت ٹوئٹ پر کچھ ہی دیر میں ایک ہزار سے زائد لائکس آچکے ہیں جبکہ صارفین شدت سے شہید محترمہ بےنظیر بھٹو کو یاد کر رہے ہیں۔

خیال رہے کہ بے نظیر بھٹو 21 جون 1953ء میں پیدا ہوئیں وہ ذوالفقار علی بھٹو اور بیگم نصرت بھٹو کی سب سے بڑی بیٹی تھیں۔

شہید بینظیر بھٹو کے دبئی سے آخری بار پاکستان روانہ ہونے کے جذباتی لمحات

دو مرتبہ پاکستان کی وزیراعظم رہنے والی اور مسلم دنیا کی پہلی خاتون سربراہ حکومت بے نظیر بھٹو کے اُن جذباتی لمحات کی تصویریں سوشل میڈیا پر وائرل ہوگئیں جب وہ دبئی سے آخری مرتبہ پاکستان کے لیے روانہ ہوئی تھیں۔

جلا وطنی کے بعد 18 اکتوبر 2007ء کو بے نظیر بھٹو کراچی واپس آئیں جہاں ان کے قافلے پر حملہ کیا گیا جس کے نتیجے میں درجنوں افراد ہلاک ہو گئے تاہم حملے میں بے نظیر بھٹو محفوظ رہیں لیکن 27 دسمبر 2007ء کو راولپنڈی کے لیاقت باغ میں قاتلانہ حملے میں انہیں دہشت گردوں نے شہید کر دیا۔