آپ آف لائن ہیں
اتوار3؍جمادی الثانی 1442ھ 17؍جنوری2021ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

عاقب جاوید کی مصباح الحق اور وقار یونس پر تنقید


سابق فاسٹ بولر عاقب جاوید نے نیوزی لینڈ میں قومی ٹیم کی ناقص کارکردگی پر ٹیم انتظامیہ کو نشانے پر رکھ لیا۔

میڈیا سے گفتگو میں ٹیم انتظامیہ پر وار کرتے ہوئے عاقب جاوید نے کہا کہ گرین شرٹس کے ہیڈ کوچ مصباح الحق کو تو کوئی اسکول بھی اپنی ٹیم کا کوچ نہ رکھے۔

انہوں نے استفسار کیا کہ جن لوگوں نے انہیں قومی کرکٹ ٹیم کا ہیڈ کوچ بنایا ہے کیا اُن لوگوں سے پوچھا نہیں جانا چاہیے؟

قومی ٹیم کے بولنگ کوچ پر طنز اور تنقید کے وار کرتے ہوئے کہا کہ وقار یونس تو اصل میں کمنٹیٹر ہیں، جب کمنٹری سے اُٹھتے ہیں تو کوچنگ شروع کردیتے ہیں۔

اس موقع پر لاہور قلندرز کے چیف ایگزیکٹو عاطف رانا نے بھی میڈیا سے گفتگو کی اور کہا کہ پاکستان سپر لیگ ( پی ایس ایل ) کو خطرہ اس وقت کوویڈ سے ہے۔

عاطف رانا نے مزید کہا کہ کراؤڈ لیگ کے لیے بہت اہم ہے، کراؤڈ نہیں ہوگا تو لیگ کا تاثر نہیں پڑے گا۔

کھیلوں کی خبریں سے مزید