کرائسٹ چرچ ٹیسٹ، پاکستان ٹیم سخت مشکلات میں

کرائسٹ چرچ ٹیسٹ میں پاکستان ٹیم سخت مشکلات کا شکار ہو گئی، ٹیسٹ کے چوتھے روز کوئی کھلاڑی کیوی بولر کائل جیمی سن کے سامنے نہ ٹک سکا۔

عابد علی، اظہر علی، حارث سہیل، کپتان رضوان اور فواد عالم ایک کے بعد ایک پویلین چلتے بنے، دراز قد کیوی بولر کیریئر بیسٹ بولنگ کرنے میں کامیاب ہوگئے اور میچ میں دس وکٹیں بھی حاصل کرلیں۔

چائے کے وقفے تک پاکستان سات وکٹوں کے نقصان پر صرف 134رنز بنانے میں کامیاب رہا۔

کرائسٹ چرچ، نیوزی لینڈ کو پاکستان کے خلاف 362 رنز کی برتری

کرائسٹ چرچ میں پاکستان اور نیوزی لینڈ کے درمیان کھیلے جانے والے دوسرے ٹیسٹ میچ کے تیسرے روز دوسری اننگز میں پاکستان کی پہلی وکٹ 3 رنز پر گرگئی۔ پاکستانی اوپنر شان مسعود صفر پر ٹم ساؤتھی کا نشانہ بنے۔

پاکستان کو ابھی بھی نیوزی لینڈ کی پہلی اننگ کا خسارہ پورا کرنے کے لیے 228 رنز درکار ہیں۔