ٹرمپ کی دوسرے سرکاری اکاؤنٹ سے ٹوئٹ کی کوشش ٹوئٹر نے ناکام بنادی

امریکی صدر ڈونلڈ ٹرمپ کی دوسرے سرکاری اکاؤنٹ ’پوٹس‘ سے ٹوئٹ کی کوشش ٹوئٹر نے ناکام بنادی۔

امریکی صدر کی جانب سے کیے گئے ٹوئٹس کو ٹوئٹر نے دوری طور پر بلاک کردیا ۔

امریکی پارلیمنٹ میں ہنگامہ آرائی کی ٹک ٹاک ویڈیو وائرل

صدر ٹرمپ کے حامی مظاہرین کے گزشتہ روز کیپٹل ہل(پارلیمنٹ کی عمارت) پر دھاوا بولنے کی ٹک ٹاک ویڈیو سوشل میڈیا پر وائرل ہوگئی ہے۔

ٹوئٹر انتظامیہ کے مطابق پوٹس اکاؤنٹ سے شیئر کی گئی متعدد ٹوئٹس کو فوری بلاک کردیا گیا ہے۔

ٹرمپ کی جانب سے ’پوٹس‘ اکاؤنٹ سے شیئر کی گئی ٹوئٹس میں ٹرمپ نے ٹیک کمپنی، ڈیموکریٹس پر تنقید کی تھی۔

ٹرمپ نےٹوئٹ میں کہا ٹوئٹر کا پابندی لگانا کمیونیکیشن ایکٹ 230 کی خلاف ورزی ہے۔

امریکی صدر ڈونلڈ ٹرمپ نے اپنے ٹوئٹس میں نومنتخب جوبائیڈن کی حلف برداری کی تقریب میں شرکت سے انکا رکیا تھا۔امریکی ایوان نمائندگان نے جوبائیڈن کی بطور امریکی صدر فتح کی توثیق کردی ہے اور اب ٹرمپ کے اقتدار کے چند روز ہی باقی ہیں۔

جسٹن ٹروڈو کی امریکی پارلیمنٹ پر حملے کی مذمت

کینیڈا کے وزیراعظم جسٹن ٹروڈو کا کہنا ہے کہ کیپیٹل ہل (پارلیمنٹ بلڈنگ) پر حملے کی مذمت کرتے ہوئے کہا کہ امریکا میں جمہورت برقرار رہنی چاہئے اور ایسا ہی ہوگا۔

امریکی صدر نے ٹوئٹ میں کہا کہ 20 جنوری کو نئے صدر کی تقریب حلف برداری میں شرکت نہیں کریں گے۔

موجوہ امریکی صدر کی نومنتخب صدر کی تقریب حلف برداری میں جانے سے انکار کے بعد یہ امریکا کی 152 سالہ تاریخ میں پہلی بار ہوگا کہ کسی نے اپنے پیش رو کی تقریب میں شرکت نہ کی ہو۔

ڈونلڈ ٹرمپ کے تمام سوشل میڈیا اکاؤنٹس بلاک

سوشل میڈیا کمپنیوں نے واشنگٹن میں احتجاج کا دفاع کرنے پر امریکی صدر ڈونلڈ ٹرمپ کے تمام سوشل میڈیا اکاؤنٹس بلاک کر دیئے ہیں۔

خیال رہے کہ امریکا کے نو منتخب صدر جوبائیڈن 20 جنوری کو عہدے کا حلف اٹھائیں گے۔