کرک: پولیو ٹیم پر حملہ، پولیس اہلکار جاں بحق

خیبر پختون خوا کے ضلع کرک میں انسدادِ پولیو ٹیم پر حملہ کیا گیا ہے، موٹر سائیکل سواروں نے فائرنگ کر دی جس کے نتیجے میں انسدادِ پولیو ٹیم کی حفاظت پر مامور پولیس اہلکار جاں بحق ہو گیا۔

بنوں میں فائرنگ، پولیو مہم کی ڈیوٹی پر مامور پولیس اہلکار جاں بحق

فائرنگ سے پولیس اہلکارآخرزمان زخمی ہوگیا جس کو اسپتال منتقل کیا گیا جہاں وہ زخموں کی تاب نہ لاتے ہوئے جاں بحق ہوگیا ۔

کرک پولیس کے مطابق انسدادِ پولیو ٹیم کی حفاظت پر مامور پولیس اہلکار پر فائرنگ کر کے موٹر سائیکل سوار ملزمان باآسانی فرار ہو گئے۔

فائرنگ سے پولیس اہل کار کے جاں بحق ہونے کے بعد کرک کے علاقے لتمبر میں انسدادِ پولیو مہم عارضی طور پر روک دی گئی ہے۔

کرک پولیس کا یہ بھی کہنا ہے کہ انسدادِ پولیو ٹیم علاقے میں بچوں کو پولیو سے بچاؤ کے قطرے پلا رہی تھی کہ ان پر نامعلوم ملزمان کی جانب سے حملہ کیا گیا۔