کوہلی کا عمران خان سے مقابلہ غیر منصفانہ ہے، زرتاج گُل

وفاقی وزیر برائے ماحولیاتی تبدیلی زرتاج گُل کہتی ہیں کہ وزیراعظم عمران خان سے ویرات کوہلی کا مقابلہ غیر منصفانہ ہے۔

انٹرنیشنل کرکٹ کونسل (آئی سی سی) نے شائقین کرکٹ کیلئے دنیائے کرکٹ کے چار بہترین کپتانوں کے حوالے سے ٹوئٹر پر پول جاری کیا، پول میں 47 فیصد ووٹ حاصل کرنے کے بعد عمران خان بہترین کپتان بن گئے۔

اس خوشخبری پر جہاں شائقین کرکٹ خوش ہیں تو وہیں وفاقی وزیر زرتاج گُل نے بھی اپنے تصدیق شدہ ٹوئٹر اکاؤنٹ پر خصوصی بیان جاری کیا ہے۔

عمران خان بہترین کپتانوں میں سب سے آگے

انٹرنیشنل کرکٹ کونسل (آئی سی سی) نے شائقین کرکٹ کیلئے ٹوئٹر پر چار کپتانوں کا ایک پول جاری کیا جس میں پوچھا کہ آپ کی نظر میں کونسا کپتان بہترین ہے۔

زرتاج گُل نے ٹوئٹر پر آئی سی سی کی جانب سے جاری کئے گئے پول کے نتائج کی تصویر شیئر کی جس کے مطابق عمران خان بھارتی کپتان ویرات کوہلی سے صرف ایک فیصد زیادہ ووٹ حاصل کرنے پر کامیاب ہوئے ہیں یعنی اس پول میں عمران خان کو 47 فیصد ووٹ ملے ہیں جبکہ ویرات کوہلی کو 46 فیصد ووٹ ملے ہیں۔

وفاقی وزیر نے کہا کہ ’تمام تر انصاف کے ساتھ ، سروے بڑے پیمانے پر فرق کو پوری طرح سے ظاہر نہیں کرتا ہے۔‘

اُنہوں نے کہا کہ ’عمران خان برصغیر کے سب سے بڑے کرکٹر اور کپتان ہیں۔‘

کیاعمران خان ہاکی کے کھلاڑی بھی رہ چکے ہیں؟

وزیر اعظم پاکستان عمران خان کے ماضی کے اُن دنوں کی تصویر انٹرنیٹ پر مقبول ہوگئی جب وہ ہاکی کے کھلاڑی تھے۔

زرتاج گُل نے کہا کہ ’ویرات کوہلی بہت احترام کے مستحق ہیں لیکن اصل کنگ خان کے خلاف اُن کا مقابلہ کرنا غیر منصفانہ ہے۔‘

عمران خان کی وسیم اکرم اور وقار یونس کیساتھ یادگار تصویر مقبول

وزیر اعظم پاکستان عمران خان نے سابق کرکٹر وقار یونس اوروسیم اکرم کے ساتھ ماضی کی ایک یادگار تصویر سوشل میڈیا پر شیئر کردی۔

واضح رہے کہ آئی سی سی کی جانب سے رائے شماری کیلئے دیئے گئے کپتانوں میں قومی کرکٹ ٹیم کے سابق کپتان عمران خان ، بھارت کے موجودہ کپتان ویرات کوہلی، آسٹریلیا کی خواتین کرکٹ ٹیم کی موجودہ کپتان میگ لیننگ، جنوبی افریقہ کے سابق کپتان اے بی ڈویلیئرز شامل تھے۔