خواتین کو با اختیار بنانا حکومت پاکستان کی اولین ترجیح ہے، امین الحق

وفاقی وزیر برائے آئی ٹی سید امین الحق کہتے ہیں کہ نوجوانوں خصوصاََ خواتین کو بااختیار بنانا حکومت پاکستان کی اولین ترجیح ہے۔

وفاقی وزیر برائے آئی ٹی سید امین الحق نے ڈیجیٹل کوآپریشن آرگنائزیشن کی قائم مقام سیکریٹری کی وڈیو لنک سے ملاقات کی۔

ملاقات میں ڈیجیٹلائزیشن اور ڈیجیٹل اکانومی کے حوالے سے گفتگو ہوئی۔

اس موقع پر سید امین الحق نے کہا کہ پاکستان کے ڈیجیٹل کوآپریشن آرگنائزیشن کے ممبر ممالک کے ساتھ اچھے تعلقات ہیں۔

ای ووٹنگ کیلئے غیرملکی کنسلٹنٹس کی خدمات لینے کا فیصلہ

وفاقی وزیرِ آئی ٹی سید امین الحق کہتے ہیں کہ ای ووٹنگ نظام کے لیے عالمی سطح کے کنسلٹنٹس کی خدمات حاصل کرنے کا فیصلہ کر لیا ہے۔

امین الحق نے کہا کہ پاکستان ڈیجیٹل کوآپریشن آرگنائزیشن کے مقاصد کے حصول کے لیے مکمل تعاون کرے گا۔

اُنہوں نے یہ بھی کہا کہ ڈی سی او ممبر ممالک کے درمیان ڈیجیٹل منتقلی حوالے سے تعاون بہت اہم ہے۔

امین الحق کا مزید کہنا تھا کہ ڈی سی او کے بانی ممبران میں بحرین، اردن، کویت، پاکستان اور سعودی عرب شامل ہیں۔