آپ آف لائن ہیں
ہفتہ2؍جمادی الثانی 1442ھ 16؍جنوری 2021ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

بلوچستان: محکمہ مواصلات میں غیر قانونی بھرتی، 361 ملازمین 10 برس بعد فارغ

بلوچستان کے محکمہ مواصلات اور تعمیرات نے 361 ملازمین برطرف کردیے ہیں اور اس حوالے نوٹیفکیشن بھی جاری کردیا ہے۔

سیکریٹری مواصلات و تعمیرات سلیم اعوان کے مطابق ملازمین کو 10 برس قبل بھرتی کمیٹی کی اجازت کے بغیر غیر قانونی طور پر بھرتی کیا گیا تھا۔

سیکریٹری کے مطابق ملازمین کی برطرفی کے ساتھ غیر قانونی بھرتیوں پر قومی احتساب بیورو (نیب) نے 4 افسران کو گرفتار بھی کرلیا ہے۔


سلیم اعوان کے مطابق ملازمین کی برطرفی کا فیصلہ چیف سیکریٹری بلوچستان کی منظوری کے بعد کیا گیا۔

انہوں نے مزید کہا کہ گرفتار افسران سے برطرف ملازمین کو اس دورانیے دی گئی تنخواہوں کی رقم وصول کرنے کا فیصلہ کیا گیا ہے۔

سیکریٹری مواصلات و تعمیرات کے مطابق رقم کی وصولی کا کیس محکمہ اینٹی کرپشن کو سپرد کیا جائے گا۔

قومی خبریں سے مزید