ڈیرہ اسماعیل خان: بس میں فائرنگ، 2 افراد جاں بحق

14 جنوری ، 2021

خیبر پختون خوا کے ضلع ڈیرہ اسماعیل خان (ڈی آئی خان) میں ملتان سے پشاور جانے والی بس میں فائرنگ کے نتیجے میں 2 افراد جاں بحق ہو گئے۔

ڈی آئی خان پولیس کا کہنا ہے کہ مسافروں کے درمیان تنازع کی وجہ معلوم نہیں، ملزم سے تفتیش جاری ہے۔

پولیس کے مطابق واقعہ قریشی موڑ کے قریب مسافروں کی لڑائی کے دوران پیش آیا، ملزم نے ملتان سے پشاور جانے والی بس میں فائرنگ کی جس کے نتیجے میں 2 افراد جاں بحق ہوگئے۔

مسافروں نے مردان کے رہائشی ملزم ندیم کو پکڑ کر پولیس کے حوالے کر دیا ہے جبکہ دونوں مقتولوں کی لاشوں کو پوسٹ مارٹم کے لیے اسپتال منتقل کر دیا گیا ہے۔

یہ بھی پڑھیے

پولیس کا کہنا ہے کہ فائرنگ سے جاں بحق ہونے والے محمد اسلم اور مرید کا تعلق مظفر گڑھ سے تھا، مسافروں کے درمیان تنازع کی وجہ معلوم نہیں ہو سکی ہے ملزم سے مزید تفتیش جاری ہے۔

تازہ ترین