کرک مندر میں توڑ پھوڑ، 12 پولیس اہلکار نوکری سے فارغ

خیبر پختونخوا کے ضلع کرک میں مندر میں توڑ پھوڑ اور جلاؤ گھیراؤ کے واقعے میں 12 پولیس اہلکار نوکری سے فارغ کردیے گئے ہیں۔

ڈی پی او کرک کا کہنا ہے کہ واقعہ کے وقت پولیس اہلکاروں کی بزدلی، غیرذمہ داری اورغفلت ثابت ہوئی ہے، پولیس اہلکار مندر کی حفاظت کرنے میں ناکام رہے۔

ڈی پی او کرک نے پولیس اہلکاروں کو نوکری سے نکالنے کے احکامات جاری کردیے، ڈی پی او کرک کا 33 پولیس اہلکاروں کو ایک سال کی معطلی کی سزا دینے کا حکم دے دیا۔

کرک میں مندر جلانے کے الزام میں 31 افراد گرفتار، 350 سے زائد کیخلاف مقدمہ درج

خیبر پختونخوا کے ضلع کرک میں مندر میں توڑ پھوڑ اور جلاؤ گھیراؤ کے الزام میں 31 افراد کو گرفتار جبکہ 350 افراد کیخلاف مقدمہ درج کر لیا گیا ہے۔

ایس ایچ او تھانا ٹیری رحمت اللہ اور اے ایس آئی تھانا بانڈہ مجیب اللہ فارغ ہونے والوں میں شامل ہیں، پولیس اہلکاروں کی سزائیں انکوائری رپورٹ کی روشنی میں دی گئیں۔

خیال رہے کہ گزشتہ ماہ ضلع کرک کی تحصیل بانڈہ داؤد شاہ کے گاؤں ٹیری میں ہندؤں کے مندر کی توسیع کے خلاف مشتعل مظاہرین نے مندر کی عمارت کو توڑ پھوڑ کر آگ لگا دی تھی۔