آپ آف لائن ہیں
منگل5؍جمادی الثانی 1442ھ 19؍جنوری 2021ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

بھارت، تنخواہ کی عدم ادائیگی پر ٹیچرز کا ویکسین مہم میں حصہ لینے سے انکار

بھارت کے دارالحکومت نئی دہلی میں خاتون ٹیچرز نے تنخواہوں کی عدم فراہمی پر حفاظتی ٹیکوں کی مہم میں حصہ لینے سے انکار کردیا۔

میونسپل کارپوریشن اساتذہ ایسوسی ایشن نے بدھ کے روز ریاست اور مرکزی حکومت سے اپیل کی ہے کہ وہ ملازمین کو پانچ ماہ کی تنخواہ دیں۔

خاتون ٹیچرز کی جانب سے لکھے گئے خط میں موقف اختیار کیا گیا کہ ’ہمیں پچھلے پانچ ماہ سے تنخواہ نہیں دی جارہی ہے اور نہ ہی پچھلے چھ مہینوں سے پنشن دی جارہی ہے۔‘


انہوں نے مزید کہا کہ وہ اپریل سے کویڈ 19 سے متعلق اپنے تمام فرائض پورے کررہے ہیں لہذا حکومت سے اپیل ہے کہ وہ ہمارے واجبات ادا کریں۔

ٹیچرز نے سنگین نتائج کی دھمکی دیتے ہوئے کہا کہ ’اگر واجبات ادا نہیں کیے گئے تو حفاظتی ٹیکوں کی مہم میں ہمارا احتجاج جاری رہے گا۔‘

بین الاقوامی خبریں سے مزید