آپ آف لائن ہیں
ہفتہ13؍ربیع الاوّل 1442ھ31؍اکتوبر2020ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

بھارت : معمر شہری کو زندہ دفن کرنے پر 8 افراد گرفتار

بھارت کی شمال مشرقی ریاست میگھالیا میں 80 سالہ بزرگ کو جادو کرنے کے شک کی بنیاد پر زمین میں زندہ دفن کردیا گیا جس کے باعث دم گھٹنے سے بزرگ شہری جان سے ہاتھ دھو بیٹھا۔

واقعے میں ملوث 8 افراد کو گرفتار کرلیا گیا ہے جس میں تین بزرگ شہری کے اپنے بھتیجے ہیں۔

بھارتی میڈیا رپورٹس کے مطابق رشتہ داروں نے بزرگ شہری پر الزام عائد کیا کہ وہ ہم پر جادو کرتا ہے، اس سے چھٹکارا پانے کے لیے انہوں نے معمر شخص کو زبردستی گھر سے نکالا اور ہاتھ پاؤں باندھ کر 5 فُٹ گہرے گڑھے میں دفن کردیا۔

سپرنٹنڈنٹ پولیس کا کہنا ہے کہ اس افسوسناک واقعے میں ملوث 8 افراد کو گرفتار کرلیا گیا ہے۔

پولیس عہدیداروں کا کہنا ہے کہ انہوں نے بزرگ شہری کی  پتھروں سے ڈھکی لاش جس پر RIP  کنندہ تھا سمیت لاش برآمد کی۔

انہوں نے مزید بتایا کہ مقتول کے ہاتھ اس کی پیٹھ سے بندھے ہوئے تھے اور اس کی ٹانگیں بوری میں ڈھکی ہوئی تھیں جنہیں رسی سے باندھا گیا تھا۔

بین الاقوامی خبریں سے مزید