آپ آف لائن ہیں
پیر16؍ رجب المرجب 1442ھ یکم مارچ2021ء
  • بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

ناروے میں امریکی کمپنی کی کورونا ویکسین لگوانے والے 29 معمر افراد ہلاک

ناروے میں امریکی کمپنی فائزر کی کورونا ویکسین لگوانے والے 75 سال اور اس سے زائد عمر کے 29 افراد دم توڑ گئے۔ چین نے ناروے میں ہونے والی اموات پر خاموشی اختیار کرنے پر مغربی میڈیا کو تنقید کا نشانہ بنایا ہے۔

امریکی میڈیا رپورٹ کے مطابق ناروے نے بزرگ افراد پر صحت سے متعلق فائزر ویکسین کے حفاظتی اقدامات پر تشویش کا اظہار بھی کیا ہے۔

تاہم فائزر ویکسین لگانے والے بزرگ افراد کی اموات کب ہوئیں تفصیل نہیں بتائی گئیں۔


رپورٹ کے مطابق ناروے میں 42 ہزار افراد کو فائزر کی کورونا ویکسین کی پہلی خوراک دی جاچکی ہے۔

نارویجیئن میڈیسن ایجنسی نے اپنے بیان میں کہا ہے کہ ملک میں صرف فائزر ویکسین ہی لوگوں کو لگائی گئی ہے اورتمام اموات اسی ویکسین سے متعلق ہیں۔

ایجنسی کے مطابق اموات زائد عمر کے افراد کی ہوئیں، جن میں شدید نوعیت کے منفی اثرات دیکھے گئے۔ ویکسین لگوانے والے زیادہ تر افراد میں بخار، متلی اور الٹی جیسے متوقع ری ایکشن دیکھے گئے۔

بین الاقوامی خبریں سے مزید