• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

چاہتے ہیں PTI سے متعلق الیکشن کمیشن کا فیصلہ جلد آ جائے، احسن اقبال

تازہ ترین
قومی خبریں
19 جنوری ، 2021


مسلم لیگ نون کے رہنما احسن اقبال کہتے ہیں کہ چاہتے ہیں کہ الیکشن کمیشن کا پی ٹی آئی سے متعلق فارن فنڈنگ کیس کا فیصلہ جلد از جلد آ جائے۔

’جیو نیوز‘ کے مارننگ شو ’جیو پاکستان‘ میں گفتگو کرتے ہوئے نون لیگی رہنما احسن اقبال نے کہا کہ منتخب وزیرِاعظم کے خلاف 6 ماہ میں فیصلہ آگیا مگر پی ٹی آئی کے خلاف اتنے عرصے سے نہیں آ رہا۔

احسن اقبال کا حکومت پر اپوزیشن کی سراغ رسانی کا الزام

مسلم لیگ (ن) کے سینئر رہنما احسن اقبال نے حکومت پر اپوزیشن کی سراغ رسانی اور جھوٹ مقدمات قائم کرنے کا الزام عائد کیا ہے۔

انہوں نے کہا کہ اپوزیشن کا الیکشن کمیشن کے پاس جانا علامتی ہے، پی ٹی آئی نے غیرقانونی ذرائع سے فنڈنگ لی اوران فنڈز کو ڈکلیئر نہیں کیا۔

احسن اقبال کا مزید کہنا ہے کہ مسلم لیگ نون کا کوئی خفیہ اکاؤنٹ نہیں ہے، نون لیگ نے ممنوعہ ذرائع سے کوئی فنڈنگ بھی نہیں لی ہے۔

یہ بھی پڑھیے


رہنما مسلم لیگ نون نے یہ بھی کہا کہ پی ٹی آئی کے خلاف کیس چل رہا ہے اور جب یہ گندی ہو رہی ہے تو اس نے نون لیگ کے خلاف درخواست دائر کر دی ہے۔

واضح رہے کہ اپوزیشن اتحاد پاکستان ڈیمو کریٹک موومنٹ (پی ڈی ایم) پی ٹی آئی کے خلاف فارن فنڈنگ کیس کے فیصلے میں تاخیر کے خلاف آج اسلام آباد میں الیکشن کمیشن کے دفتر کے سامنے احتجاج کر رہی ہے۔

تازہ ترین