آپ آف لائن ہیں
اتوار22؍ رجب المرجب 1442ھ 7؍مارچ2021ء
  • بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

ورون دھون کی شادی کی تقریبات علی باغ کے مینشن میں منعقد ہونگی

ممبئی (مانیٹرنگ ڈیسک)بالاخر کئی سال کے انتظار کے بعد بولی وڈ اداکار ورون دھون اپنی بچپن کی دوست نتاشا دلال کے ساتھ رواں ماہ 24 جنوری کو شادی کے بندھن میں بندھ جائیں گے۔ جوڑے کی جانب سے گزشتہ برس ویتنام میں شادی کی منصوبہ بندی کی گئی تھی تاہم کورونا کے سبب ورون دھون اور ان کی دوست نتاشا دلال کو اپنی شادی کا منصوبہ ملتوی کرنا پڑا۔بھارتی میڈیا رپورٹس کے مطابق ورون دھون اور نتاشا دلال کی شادی کی تقریب علی باغ میں شاہی طرز پر قائم کیے مینشن ہاؤس میں منعقد کی جائے گی، مینشن ہاؤس 25 کمروں پر مشتمل پرتعیش ریزورٹ ہے جو علی باغ جیٹی سے 25منٹ کی دوری پر واقع ہے۔جوڑے کے اہل خانہ 22 جنوری کو شادی کی تقریبات میں شرکت کے لیے براستہ روڈ علی باغ کے وینیو پہنچیں گے، شادی کی تقریبات کا آغاز 23 جنوری کی شام ایک سنگیت کی تقریب سے ہوگا جبکہ شادی24جنوری کو ہو گی۔بھارتی میڈیا رپورٹس میں بتایا جا رہا ہے کہ ویرات اور انوشکا کی شادی کا ویڈنگ پلانر ہی بولی وڈ کے اس جوڑے کی شادی کی تقریبات کے انتظامات کر رہا ہے۔

رپورٹس میں یہ بھی کہا جا رہا ہے کہ ڈیزائنر نتاشا دلال اپنی شادی کا لباس کسی ڈیزائنر سے ڈیزائن کروانے کے بجائے خود ڈیزائن کر رہی ہیں۔واضح رہے کہ اس سے قبل بھارتی میڈیا رپورٹس میں بتایا گیا ہے ورون دھون کے چچا اور اداکار انیل دھون کی جانب سے بھی تصدیق کی جا چکی ہے کہ ورون کی شادی 24جنوری کو ہی ہو گی۔رپورٹس کے مطابق دونوں کے اہل خانہ گزشتہ کئی دنوں سے شادی کی تیاریوں میں مصروف ہیں جبکہ کورونا وائرس کی وجہ سے صرف مخصوص لوگوں کو ہی دعوت دی گئی ہے۔

دل لگی سے مزید