سابق جسٹس سپریم کورٹ عظمت سعید براڈ شیٹ کمیٹی کے سربراہ مقرر

اسلام آباد(نمائندہ جنگ) سپریم کورٹ کے سابق جج شیخ عظمت سعید کوبراڈ شیٹ کمیٹی کا سربراہ مقرر کردیا گیا ہے،وزیر اطلاعات و نشریات سینیٹر شبلی فراز نےاپنے ٹویٹ میں کہا ہے کہ براڈ شیٹ معاملہ پر انکوائری کمیٹی کے سربراہ جسٹس (ر) عظمت سعید شیخ ہونگے۔وفاقی وزیر سائنس و ٹیکنالوجی فواد چوہدری نے کہا ہے کہ وزیراعظم نے جسٹس (ر) عظمت سعید کو براڈ شیٹ انکوائری کمیٹی کا سربراہ مقرر کر دیا ہے ، اپنے ٹویٹ میں وفاقی وزیر نے کہا کہ کمیٹی کے باقی ممبران کا تقررجسٹس عظمت سعید کی مشاورت سے کیا جائے گا۔