کراچی: گلستانِ جوہر میں مبینہ مقابلہ، ڈکیت گروہ کے 3 ملزمان گرفتار

کراچی کے علاقے گلستانِ جوہر میں مبینہ مقابلے میں پولیس نے 3 ملزمان کو گرفتار کرلیا، ملزمان کے دیگر 4 ساتھی پولیس پارٹی پر فائرنگ کرتے ہوئے فرار ہو گئے، ملزمان کے خلاف مقدمہ درج کر لیا گیا ہے۔

پولیس کے مطابق ملزمان نے گلستانِ جوہر بلاک 11 کے قریب بنگلے میں ڈکیتی کی، اطلاع ملتے ہی پولیس موقع پر پہنچ گئی جس پر پولیس اور ملزمان میں فائرنگ کا تبادلہ ہوا۔

کراچی میں مبینہ پولیس مقابلہ، ملزم گرفتار

کراچی کے علاقے عزیزبھٹی پارک کےقریب مبینہ پولیس مقابلے کے بعد ملزم کوزخمی حالت میں گرفتارکرلیا گیاجبکہ ایم اے جناح روڈ پر فائرنگ سے ایک شخص زخمی ہوگیا۔

گرفتار ملزمان کا تعلق ہنڈا سوک گینگ سے ہے، یہ گینگ عرصۂ دراز سے وارداتیں کر رہا ہے۔

گرفتار ملزمان میں وسیم عرف کمانڈو، جاوید شفیق اور امین شامل ہیں۔

ملزمان کے قبضے سے اسلحہ موبائل فون، لیپ ٹاپ، جیولری، کیمرے اور نقد رقم بھی برآمد کی گئی ہے۔

پولیس کے مطابق ملزمان نے گلستانِ جوہر، گلشنِ اقبال اور کراچی کے دیگر علاقوں میں واقع بنگلوں میں ڈکیتی کی متعدد وارداتیں کی ہیں۔