پہلا ٹیسٹ میچ، جنوبی افریقی ٹیم پہلی اننگز میں 220 رنز بنا سکی

پاکستان اور جنوبی افریقا کے مابین  ٹیسٹ سیریز کے پہلے ٹیسٹ میچ میں جنوبی افریقا کی ٹیم پہلی اننگز میں 220 رنز پر آؤٹ ہوگئی۔

جنوبی افریقا کی جانب سے جڈین ایلگر نے 58 رنز کی اننگز کھیلی، جیورج 35 اور فاف ڈیوپلیسی 23 رنز بناکر نمایاں رہے۔

ٹمبا باوما اور وین ڈر ڈاؤسن 17،17 رنز بناکر آؤٹ ہوئے،کپتان کوئنٹن ڈی کوک 15 اور ایڈن مارکرم نے 13رنز بنائے، کیشف مہاراج اور انرخ صفر پر پویلین لوٹے۔

جنوبی افریقا نے کراچی کے نیشنل اسٹیڈیم میں کھیلے جانے والے پہلے ٹیسٹ میچ میں جنوبی افریقہ نے پاکستان کے خلاف ٹاس جیت کر بیٹنگ کا فیصلہ کیا۔

پاکستانی باؤلرز کی شاندار باؤلنگ اور وکٹ کیپر رضوان اور اسکیپر بابر اعظم کی بہترین فیلڈنگ کی بدولت جنوبی افریقی ٹیم مشکلات کا شکار رہی۔

پاکستان نے جنوبی افریقا کے خلاف 198 کے مجموعی اسکور پر 8 وکٹیں حاصل کیں۔ نعمان علی، حسن علی اور یاسر شاہ نے دو دو کھلاڑیوں کو پویلین کی راہ دکھائی۔

میرے نانا کہا کرتے تھے کہ تم پاکستان کیلئے ضرور کھیلو گے: نعمان علی

پاکستان کرکٹ بورڈ (پی سی بی) کی جانب سے شیئر کی گئی ویڈیو میں نعمان علی نے ٹیسٹ کیپ ملنے پر خوشی کا اظہار کیا۔

نعمان علی نے اپنے پہلے ٹیسٹ میچ کو یادگار بناتے ہوئے  پہلی دو وکٹیں حاصل کیں، نعمان علی نے جنوبی افریقی کپتان ڈی کوک کو 15 رن پر عمران بٹ کے ہاتھوں کیچ کروایا جبکہ وہ دوسری وکٹ ڈین ایلگر کی لینے میں کامیاب رہے۔

جنوبی افریقا کے دونوں جارح مزاج کھلاڑیوں کو 133 اور 136 کے مجموعی اسکور پر نعمان علی نے پویلین کی راہ دکھائی۔

پاکستان کےخلاف جنوبی افریقا کی پہلی وکٹ 30 رنز پر گِری، ایڈن مارکرم 13 رنز بنا کر شاہین شاہ کی گیند پر عمران بٹ کے ہاتھوں کیچ آؤٹ ہوئے جبکہ دوسری وکٹ 63 رنز پر گِری جب وین ڈر ڈاؤسن 17 رنز بناکر رن آؤٹ ہوئے۔

پاکستان کےخلاف جنوبی افریقا کی تیسری وکٹ 108 رنز گری، فاف ڈیوپلیسی 23 رنز بناکر یاسر شاہ کی گیند پر کیچ آؤٹ ہوئے۔

قومی کرکٹ ٹیم کی قیادت بابر اعظم کر رہے ہیں، اس موقع پر بابر اعظم کا کہنا تھا کہ وکٹ بہت خشک ہے ، لگ رہا ہے گیند بریک ہو گا، ہم بھی ٹاس جیت کر بیٹنگ کا فیصلہ کرتے۔

انہوں نے کہا کہ کپتان بابر اعظم نے کہا کہ عمران بٹ اور نعمان علی کو ٹیسٹ کیپ دی ہے۔

بابر اعظم نے کہا کہ جنوبی افریقا کی ٹیم دنیا کی بہترین ٹیموں میں سے ایک ہے، ہوم گراؤنڈ پر ماحول میزبان ٹیم کے حق میں ہوتا ہے۔

 پاکستان کی 11 رکنی ٹیم ان کھلاڑیوں پر مشتمل ہے:

عابد علی، عمران بٹ، اظہرعلی، بابراعظم، فواد عالم، محمد رضوان، فہیم اشرف، شاہین شاہ، حسن علی، نعمان علی اور یاسر شاہ

پاکستان اور جنوبی افریقا کے مابین نیشنل اسٹیڈیم کراچی میں کھیلے جانے والے پہلے ٹیسٹ میچ میں پاکستان کے دو کھلاڑی عمران بٹ اور نعمان علی ڈیبیو کررہے ہیں۔

جنوبی افریقا سیریز، عمران بٹ اور نعمان علی ٹیسٹ ڈیبیو کیلئے تیار

پاکستان اور جنوبی افریقہ کے مابین نیشنل اسٹیڈیم کراچی میں کھیلے جانے والے پہلے ٹیسٹ میچ میں پاکستان کے دو کھلاڑی ڈیبیو کریں گے۔

ڈیبیو کرنے والے عمران بٹ کو یونس خان نے ٹیسٹ کیپ دی جبکہ نعمان علی کو یاسر شاہ نے ٹیسٹ کیپ دی۔

ٹیسٹ سیریز کیلئے وسیم اکرم، رمیزراجہ، مائیک ہیسمین، سائمن ڈول، ڈیرین کلینن، بازید خان کمنٹری پینل کا حصہ ہیں۔ وسیم اکرم ٹیسٹ سیریز، سائمن ڈول ٹی ٹوئنٹی سیریز میں کمنٹری کریں گے۔

جنوبی افریقہ کیخلاف سیریز، ثقلین مشتاق بھی میدان میں آگئے

پاکستان کرکٹ ٹیم کی جنوبی افریقہ کیخلاف سیریز...

سیریز میں ہاک آئی، بال ٹریکنگ، الٹراموشن، بگی کیمرہ سمیت28 کیمروں سے کوریج کی جائے گی۔

کراچی کے نیشنل اسٹیڈیم میں 14 سال کے بعد جنوبی افریقا کی ٹیم میچ کھیلنے کے لیے اتر رہی ہے۔ جنوبی افریقا نے 2007 میں جب پاکستان کا دورہ کیا تھا تو نیشنل اسٹیڈیم میں بھی ٹیسٹ میچ کھیلا تھا۔