ڈیبیو میچ میں شاندار کیچ پکڑنے والے عمران بٹ کے چرچے

قومی کرکٹ ٹیم میں ٹیسٹ ڈیبیو کرنے والے عمران بٹ نے اپنے ٹیسٹ کیرئیر کے پہلے ہی میچ میں سب کی توجہ اپنی جانب مرکوز کروالی ہے۔

عمران بٹ نے سِلپ پر شاندار کیچ پکڑ کر سب کو حیران کردیا، عمران بٹ نے شاہین شاہ آفریدی کی بال پر ایڈن مارکرم کا سِلپ پر کیچ پکڑا۔

 ڈیبیو کرنے والے عمران بٹ نے اپنے ٹیسٹ کیرئیر کا پہلا شاندار کیچ پکڑا اور عالمی توجہ اپنی جانب کروالی۔

جنوبی افریقا سیریز، عمران بٹ اور نعمان علی ٹیسٹ ڈیبیو کیلئے تیار

پاکستان اور جنوبی افریقہ کے مابین نیشنل اسٹیڈیم کراچی میں کھیلے جانے والے پہلے ٹیسٹ میچ میں پاکستان کے دو کھلاڑی ڈیبیو کریں گے۔

انٹرنیشنل کرکٹ کونسل (آئی سی سی ) اور پاکستان کرکٹ بورڈ کی جانب سے خصوصی طور پر عمران بٹ کی بہترین فیلڈنگ کی ویڈیو شیئر کی گئی۔

آئی سی سی نے اپنے ٹوئٹ میں لکھا کہ عمران بٹ نے اپنے لیے ناقابلِ فراموش ڈیبیو کرلیا ہے۔

خیال رہے کہ پاک جنوبی افریقا ٹیسٹ میچ میں پروٹیز نے ٹاس جیت کر پہلے بیٹنگ کا فیصلہ کیا جس کے بعد اوپننگ جوڑی میدان میں اتری تو جنوبی افریقا کی پہلی وکٹ پانچویں اوور میں ہی گر گئی۔

کھانے کے وقفے تک جنوبی افریقا نے 2 وکٹ پر 94 رنز بنالیے، ڈین ایلگر 46 اور فاف ڈیوپلیسی 14 رنزکے ساتھ کریز پر موجود ہیں۔