جنوبی افریقا کے خلاف ایکشن میں ہوں گا : بابر اعظم

قومی کرکٹ ٹیم کے کپتان بابر اعظم کا کہنا ہے کہ جنوبی افریقا کے خلاف ایکشن میں ہوں گا، پرجوش ہوں کہ اتنے عرصے بعد جنوبی افریقا کی ٹیم پاکستان آرہی ہے۔

بابراعظم کا کہنا ہے کہ کراؤڈ کو مِس کریں گے امید ہے وہ گھروں میں بیٹھ کر سپورٹ کریں گے، ٹیم سے باہر رہنے والے تین ہفتے میرے لیے مشکل تھے۔

مصباح الحق نے نیوزی لینڈ میں شکست کی وجہ بتادی

پاکستان کرکٹ ٹیم کے ہیڈ کوچ مصباح الحق نے نیوزی لینڈ میں شرمناک شکست کی وجہ بتاتے ہوئے کہا کہ اٹھارہ انیس دن ہم نے کمروں میں گزارے ٹریننگ نہیں کر سکے۔

کرکٹر نے کہا کہ ٹیم کو میری ضرورت تھی لیکن انجری کھیل کا حصہ ہے، ایک سیریز میں خراب کارکردگی کے باوجود کھلاڑیوں کو بیک کرنا چاہیے۔

انہوں نے کہا کہ سلیکشن کمیٹی کے ساتھ بیٹھ کر کمبی نیشن پر بات کریں گے، ٹیم بنانے کے لیے کھلاڑیوں کو تسلسل کے ساتھ موقع دینا پڑتا ہے۔

بابراعظم نے کہا کہ ٹیلنٹ پاکستان میں بہت ہے عبداللہ شفیق مجھے پسند ہے، نوجوان کھلاڑی جتنا انٹرنیشنل کھیلیں گے اتنا فائدہ ہو گا،

کپتان قومی کرکٹ ٹیم نے کہا کہ محمد عامر کی پرفارمنس پہلے جیسی نہیں رہی تھی، اب اگر محمد عامر کی پرفارمنس بہتر ہوئی توسلیکٹرز ضرور دیکھیں گے۔

بابر اعظم نے ویرات کوہلی کو پیچھے چھوڑ دیا

قومی کرکٹ ٹیم کے کپتان بابراعظم نے کم ترین اننگز میں 12 ون ڈے سنچریاں اسکور کر بھارتی کرکٹ ٹیم کے کپتان ویرات کوہلی کو پیچھے چھوڑ دیا۔

انہوں نے کہا کہ فہیم اشرف بہتری لائے ہیں نسیم شاہ کو مشکل ہوئی لیکن ہر سیریز میں سب کھلاڑی نہیں پرفارم کرتے، مجھے بولنگ پر تشویش نہیں اپنے بولرز پر بھروسہ ہے۔